તીર્થ ગામના હણોલ ગામમાં રહેતી એક સામાન્ય પરિવારની દીકરી વંદના સોમા સોલંકીએ તાજેતરમાં વડોદરા ખાતે યોજાયેલી ઓલ ઇન્ડિયા કરાટે ચેમ્પિયનશિપ ૨૦૨૫-૨૬માં ગોલ્ડ મેડલ જીતીને ન માત્ર પોતાના ગામ અને તાલુકાનું નામ રોશન કર્યું છે, પરંતુ આખા રાજ્ય અને દેશને ગર્વ અનુભવાડ્યું છે. આ જીત માત્ર એક વ્યક્તિગત સિદ્ધિ નથી, પરંતુ ગ્રામ્ય વિસ્તારોમાં છુપાયેલી પ્રતિભાઓને સરકારી યોજનાઓ અને સમુદાયના સમર્થનથી કેવી રીતે ઉજાગર કરી શકાય તેનું જીવંત ઉદાહરણ છે.
હણોલ ગામમાં જન્મેલી અને ઉછરેલી વંદના એક સામાન્ય ખેડૂત પરિવારમાંથી આવે છે. તેના પિતા સોમા સોલંકી ખેતમજૂરી કરીને પરિવારનું ગુજરાન ચલાવે છે. તેઓ લલ્લુ તેજાણીના ખેતરમાં ભાગીદારીમાં કામ કરે છે અને આથક મુશ્કેલીઓ વચ્ચે પણ પોતાની દીકરીઓના સપનાઓને જીવંત રાખવા માટે અથાક મહેનત કરે છે. અને આજે ગોલ્ડ મેડલ ગોલ્ડ મેડલ મેળવ્યું છે. વંદનાની મોટી બહેન મેઘના પણ રમતગમતમાં સક્રિય છે અને હોકીમાં પોતાની ક્ષમતાઓ વિક્સાવી રહી છે. આ પરિવાર માટે રમતગમત માત્ર શોખ નથી, પરંતુ જીવનમાં આગળ વધવાનું માયમ છે.
વંદનાની પ્રતિભાને સૌપ્રથમ ઓળખી હણોલ પ્રાથમિક શાળાના આચાર્ય અને શિક્ષકોએ. તેમના માર્ગદર્શન હેઠળ વંદના અને તેની બહેનને સ્પોર્ટ્સ સ્કૂલમાં પ્રવેશ અપાવવામાં આવ્યો. અહીં સરકાર દ્વારા તમામ ખર્ચા ઉઠાવવામાં આવે છે, જેમાં તાલીમ, આહાર અને અન્ય સુવિધાઓનો સમાવેશ થાય છે. આ યોજના રમતગમત વિભાગની નીતિનું પરિણામ છે, જે કેન્દ્રીય આરોગ્ય અને પરિવાર કલ્યાણ મંત્રી મનસુખ માંડવીયાના માર્ગદર્શન હેઠળ વિક્સાવવામાં આવી છે.
ઓલ ઇન્ડિયા કરાટે ચેમ્પિયનશિપ ૨૦૨૫-૨૬ વડોદરામાં યોજાઈ હતી, જેમાં દેશભરના હજારો કરાટે ખેલાડીઓએ ભાગ લીધો. આ ચેમ્પિયનશિપ કરાટે ફેડરેશન ઓફ ઇન્ડિયા દ્વારા આયોજિત કરવામાં આવી હતી અને તેમાં વિવિધ વય જૂથો અને વેઇટ કેટેગરીમાં સ્પર્ધાઓ થઈ. વંદનાએ તેની કેટેગરીમાં ઉત્કૃષ્ટ પ્રદર્શન કરીને ગોલ્ડ મેડલ જીત્યો, જે તેની અથાક તાલીમ અને અડગ નિશ્ર્ચયનું પરિણામ છે. આ ચેમ્પિયનશિપ યુવા ખેલાડીઓ માટે રાષ્ટ્રીય સ્તરે પોતાને સાબિત કરવાનું મોટું વ્યાસપીઠ છે.આ ગોલ્ડ મેડલ માત્ર વંદનાની વ્યક્તિગત જીત નથી, પરંતુ તે ગ્રામ્ય ભારતની દીકરીઓના સંઘર્ષ, સરકારી સમર્થન અને રમતગમત નીતિની સફળતાનું પ્રતીક છે.