કોંગ્રેસના ધારાસભ્યોને રાજસ્થાન વિધાનસભામાં પ્રવેશતા અટકાવવા માટે બેરિકેડનો મુદ્દો વધુ વકર્યો છે. કોંગ્રેસ હવે આ મામલે વિશેષાધિકાર ભંગ પ્રસ્તાવ લાવવાની યોજના બનાવી રહી છે. વિપક્ષના નેતા ટીકારામ જુલીએ જણાવ્યું હતું કે પોલીસે ધારાસભ્યોને વિધાનસભામાં પ્રવેશતા અટકાવવા માટે બેરિકેડ ઉભા કર્યા હતા. તેમણે કહ્યું કે આ એક ગંભીર બાબત છે. પોલીસ ધારાસભ્યોને વિધાનસભામાં પ્રવેશતા કેવી રીતે રોકી શકે? કોંગ્રેસ હવે સરકાર અને પોલીસ બંને વિરુદ્ધ સ્પીકર સમક્ષ વિશેષાધિકાર પ્રસ્તાવ રજૂ કરશે. તેમણે કહ્યું કે હવે સ્પીકર પર નિર્ભર છે કે કોની વિરુદ્ધ પ્રસ્તાવ સ્વીકારવામાં આવે છે.
ઉલ્લેખનીય છે કે ગુરુવારે, વિધાનસભાના ચોમાસુ સત્રના પહેલા દિવસે, કોંગ્રેસે શાળાઓમાં મીડિયા પ્રવેશના મુદ્દા પર સરકાર સામે વિરોધ પ્રદર્શન શરૂ કર્યું હતું. વિધાનસભા પહોંચતા પહેલા, વિરોધ પક્ષના નેતા ટીકારામ જુલીના નેતૃત્વમાં કોંગ્રેસના ધારાસભ્યોએ પોદ્દાર ડેફ એન્ડ ડમ્બ સ્કૂલથી વિધાનસભા તરફ પગપાળા કૂચ કરી હતી. કોંગ્રેસના ધારાસભ્યોને રોકવા માટે પોલીસે વિધાનસભાની બહાર બેરિકેડ ઉભા કર્યા હતા. આ દરમિયાન, પોલીસ અને કોંગ્રેસના નેતાઓ વચ્ચે ઝપાઝપી થઈ હતી અને કેટલાક ધારાસભ્યો બેરિકેડ પર ચઢી ગયા હતા.
કોંગ્રેસના ધારાસભ્યોએ વિધાનસભાના દરવાજા બહાર વિરોધ પ્રદર્શન કર્યું હતું. પ્રદેશ કોંગ્રેસ પ્રમુખ ગોવિંદ સિંહ દોતાસરા, વિરોધ પક્ષના નેતા ટીકારામ જુલી અને કોંગ્રેસના નેતા સચિન પાયલટ સહિત અનેક ધારાસભ્યોએ વિરોધ પ્રદર્શનમાં ભાગ લીધો હતો. કોંગ્રેસે શિક્ષણ મંત્રીના રાજીનામાની માંગ કરી હતી અને સરકાર પર શાળાઓની ખરાબ સ્થતિ છુપાવવા માટે મીડિયા પ્રવેશને રોકવાનો આરોપ લગાવ્યો હતો.
કોંગ્રેસના નેતાઓ પશ્ચિમ દરવાજાથી પગપાળા વિધાનસભામાં પ્રવેશવા માંગતા હતા, પરંતુ માર્શલના પ્રતિનિધિઓએ ગેટને તાળું મારી દીધું. ત્યારબાદ કોંગ્રેસના ધારાસભ્યો વિધાનસભા દરવાજાની બહાર ધરણા પર બેઠા.વિરોધ દરમિયાન, ટીકારામ જુલીએ સરકાર પર આકરા પ્રહારો કર્યા. તેમણે કહ્યું કે કોંગ્રેસ ગૃહ ચલાવવા માંગે છે, પરંતુ જ્યારે વિધાનસભામાં પ્રવેશવા માટે વર્ષોથી ઉપયોગમાં લેવાતો દરવાજા આજે બંધ કરવામાં આવ્યો છે, ત્યારે તે પ્રશ્ન ઉઠાવે છે કે વિપક્ષને કેમ અટકાવવામાં આવ્યો.
જુલીએ કહ્યું કે કોંગ્રેસ આ મામલે વિશેષાધિકાર ભંગની નોટિસ દાખલ કરશે. શાળાઓની ખરાબ Âસ્થતિનો મુદ્દો ઉઠાવતા, તેમણે દાવો કર્યો કે રાજ્યમાં ૩,૭૬૮ શાળાઓને જર્જરિત જાહેર કરવામાં આવી હતી, પરંતુ એક પણ પૂર્ણ થઈ નથી. તેમણે એવો પણ દાવો કર્યો કે ૮૫,૦૦૦ શાળાના ઓરડાઓ જર્જરિત હતા, લગભગ ૧.૨૫ લાખ શિક્ષકની જગ્યા ખાલી હતી અને છેલ્લા ત્રણ વર્ષમાં લગભગ ૯ લાખ બાળકો શાળા છોડી ગયા હતા. તેમણે શિક્ષણ મંત્રીના નિવેદનો પર પણ સવાલ ઉઠાવ્યા અને કહ્યું કે સરકારે શાળાઓની Âસ્થતિ સુધારવા પર ધ્યાન કેન્દ્રિત કરવું જાઈએ.કોંગ્રેસના વિરોધ વચ્ચે વિધાનસભાની કાર્યવાહી સવારે ૧૧ વાગ્યે શરૂ થઈ. દિવંગત નેતાઓને શ્રદ્ધાંજલિ આપ્યા પછી, ગૃહ શુક્રવાર સુધી સવારે ૧૧ઃ૨૨ વાગ્યે મુલતવી રાખવામાં આવ્યું. આમ, વિધાનસભાની કાર્યવાહી પહેલા દિવસે માત્ર ૨૧ મિનિટ ચાલી. મુલતવી રાખવા સાથે, કોંગ્રેસના ધારાસભ્યોએ વિધાનસભાના ગેટ બહાર પોતાનો વિરોધ સમાપ્ત કર્યો.
શાસક પક્ષે કોંગ્રેસના ધારાસભ્યોની ગેરહાજરી છતાં પ્રથમ દિવસે વિધાનસભાની કાર્યવાહી ચાલુ રાખી. સરકારે ગીતાંજલી ગ્લોબલ યુનિવર્સિટી જયપુર બિલ અને રાજસ્થાન વૃક્ષ સંરક્ષણ બિલ ગૃહમાં રજૂ કર્યું. ચર્ચા પછી આગળની કાર્યવાહી પૂર્ણ કરવામાં આવશે.ભારત આદિવાસી પાર્ટીના સભ્યોએ માનગઢ ધામને રાષ્ટÙીય સ્મારકનો દરજ્જા આપવાની માંગણી સાથે વિધાનસભાની બહાર પણ વિરોધ પ્રદર્શન કર્યું. આમ, ચોમાસા સત્રના પહેલા દિવસે કોંગ્રેસ અને બીએપીએ વિવિધ મુદ્દાઓ પર વિધાનસભાની બહાર વિરોધ પ્રદર્શન કર્યા.વિધાનસભાની કાર્યકારી સલાહકાર સમિતિની બેઠક શુક્રવાર સુધી નક્કી કરવામાં આવી છે. પ્રશ્નકાળ અને શૂન્યકાળ શુક્રવારે યોજાશે.યુસીસી બિલ પણ ગૃહમાં રજૂ કરવામાં આવશે. હાલમાં, શુક્રવારે કોઈ બિલ પસાર થવાનું નક્કી નથી. અહેવાલો અનુસાર, શુક્રવારે ગૃહ તેની કાર્યવાહી પૂર્ણ કર્યા પછી, આગળની કાર્યવાહી નવેમ્બર સુધી મુલતવી રાખવામાં આવશે. પંચાયત ચૂંટણીના પરિણામો જાહેર થયા પછી ગૃહ નવેમ્બરમાં ફરી શરૂ થશે.