દિલ્હી હાઇકોર્ટે કહ્યું છે કે સંમતિથી લિવ-ઇન રિલેશનશિપમાં રહેતા પુખ્ત વયના લોકો વચ્ચેનો સંબંધ લગ્ન જેવો છે. માતાપિતા, સંબંધીઓ અથવા મિત્રો તેમની પસંદગીઓમાં દખલ કરી શકતા નથી અથવા તેમના જીવન અથવા સ્વતંત્રતાને જાખમમાં મૂકી શકતા નથી. કોર્ટે પરિવારો તરફથી ધમકીઓનો સામનો કરી રહેલા લિવ-ઇન કપલને પોલીસ સુરક્ષા પણ આપી હતી.ન્યાયાધીશ સૌરભ બેનર્જીએ ૧૩ ઓગસ્ટના રોજ દંપતી દ્વારા દાખલ કરાયેલી અરજી પર આ આદેશ આપ્યો હતો.
અરજદારો, બંને ૩૦ વર્ષથી વધુ ઉંમરના છે, તેમણે કોર્ટને જણાવ્યું હતું કે તેઓ કેટલાક સમયથી સાથે રહેતા હતા અને એકબીજા સાથે લગ્ન કરવાનો ઇરાદો ધરાવતા હતા.કોર્ટને કહેવામાં આવ્યું હતું કે છોકરીના પિતા અને ભાઈ આ સંબંધથી નાખુશ હતા અને તેમને સતત હિંસાની ધમકી આપી રહ્યા હતા. અરજદારોએ સ્થાનિક સ્ટેશન હાઉસ ઓફિસરને પણ ફરિયાદ કરી હતી, પરંતુ કોઈ કાર્યવાહી કરવામાં આવી ન હતી.
કોર્ટે કહ્યું, “અરજદારોએ પોતાની ઇચ્છા, સંમતિ અને સંપૂર્ણ જવાબદારીથી એકબીજા સાથે લિવ-ઇન રિલેશનશિપમાં રહેવાનો નિર્ણય લીધો હોવાથી, કોઈને પણ, પછી ભલે તે તેમના માતાપિતા, સંબંધીઓ કે મિત્રો હોય, તેમની પસંદગીમાં દખલ કરવાનો કે અવરોધ કરવાનો અધિકાર કે અધિકારક્ષેત્ર નથી.” તેમને તેમના જીવન કે સ્વતંત્રતાને ધમકી આપવાનો બિલકુલ અધિકાર નથી. કોર્ટે વધુમાં કહ્યું, ‘અરજદારો લિવ-ઇન રિલેશનશિપમાં છે અને કાયદેસર રીતે એકબીજા સાથે લગ્ન કર્યા નથી, પરંતુ બંને સંમતિથી પુખ્ત વયના છે, તેથી તેમનો સંબંધ લગ્ન સમાન છે.’જસ્ટિસ સૌરભ બેનર્જીએ કહ્યું કે સંમતિથી પુખ્ત વયના લોકો વચ્ચેના લગ્નોને જાતિ, સંપ્રદાય, રંગ, ધર્મ અથવા શ્રદ્ધાના આધારે માન્યતા નકારી શકાય નહીં. તેમણે કહ્યું કે ‘સામાજિક નૈતિકતા અને પૂર્વગ્રહો’ના આધારે બંધારણ દ્વારા ગેરંટી આપવામાં આવેલા મૂળભૂત અધિકારોને મર્યાદિત કરવા એ વ્યક્તિને તેમની સ્વતંત્ર ઓળખથી વંચિત રાખવા સમાન છે.
દિલ્હી હાઈકોર્ટે કહ્યું કે સુપ્રીમ કોર્ટે માન્યતા આપી છે કે પુખ્ત વયના લોકો, ભલે પરિણીત ન હોય, તેમની ઇચ્છા મુજબ એકબીજા સાથે રહેવાનો અમર્યાદિત અધિકાર ધરાવે છે. કોર્ટે કહ્યું કે આ અધિકાર હવે કાયદાની નજરમાં માન્ય છે અને તેને ઘરેલું હિંસાથી મહિલાઓના રક્ષણ અધિનિયમ, ૨૦૦૫ જેવી જાગવાઈઓ હેઠળ વિધાનસભા દ્વારા પણ માન્યતા આપવામાં આવી છે.