ઘોઘંબા તાલુકાના પરોલી ગામે એક રક્તદાન મહાશિબિરનું આયોજન કરાયું હતું. આ શિબિરમાં કુલ ૪૪ બોટલ રક્ત એકત્રિત થયું હતું. રક્તદાતાઓએ ઉત્સાહથી ભાગ લીધો હતો.
આ શિબિર જૈનાચાર્ય ગુણોદયસાગર સૂરિશ્ર્વરજી મહારાજના ૬૪મા જન્મોત્સવ અને રાષ્ટ્રીય સ્વયંસેવક સંઘના ૧૦૦ વર્ષ પૂર્ણ થવાના અવસરે યોજાઈ હતી.
આયોજન માતૃ લીલાબા ચેરિટેબલ એન્ડ એજ્યુકેશન ટ્રસ્ટ તથા પંડિત દીનદયાળ સ્મૃતિ ટ્રસ્ટ, ગોધરા દ્વારા રેડક્રોસ સોસાયટી, ગોધરાના સહયોગથી કરાયું હતું. રાષ્ટ્રીય સ્વયંસેવક સંઘના કાર્યકરો, આરોગ્ય વિભાગના પ્રતિનિધિઓ અને અન્ય આગેવાનો પણ જોડાયા હતા.
આયોજકોએ રક્તદાતાઓનો આભાર માન્યો અને રક્તદાન કરોજીવન બચાવોનો સંદેશ આપ્યો. ૪૪ બોટલ રક્ત એકત્રિત થવાથી આયોજકો ખુશ હતા.