વિકેટકીપર-બેટ્સમેન અભિષેક પોરેલ બંગાળની રણજી ટ્રોફી ટીમમાં પાછો ફર્યો છે. બળાત્કારના કેસમાં જામીન મળ્યાના થોડા દિવસો પછી, પોરેલનો બંગાળની રણજી ટ્રોફી ટીમમાં સમાવેશ કરવામાં આવ્યો છે. તે દિલ્હી સામે ટુર્નામેન્ટની શરૂઆતની મેચ માટે બંગાળની ટીમનો ભાગ રહેશે.ક્રિકેટ એસોસિએશન ઓફ બંગાળે ૨૦ ઓક્ટોબરે દિલ્હી સામેની મેચ માટે ટીમની જાહેરાત કરી. કલ્યાણીના બંગાળ ક્રિકેટ એકેડેમી ગ્રાઉન્ડ ખાતે એલિટ ગ્રુપ સી મેચમાં બંને ટીમો એકબીજા સામે ટકરાશે. અભિમન્યુ ઈશ્વરનને કેપ્ટન બનાવવામાં આવ્યો છે, જ્યારે સુદીપ કુમાર ઘરામી ઉપ-કેપ્ટન રહેશે.
પોરેલને વિકેટકીપર-બેટ્સમેન તરીકે ટીમમાં સામેલ કરવામાં આવ્યો છે. તેમની પસંદગીના સમાચાર તાજેતરમાં બળાત્કારના કેસમાં જામીન પર મુક્ત થયા બાદ આવ્યા છે. અહેવાલો અનુસાર, કોર્ટ દ્વારા જામીન મળ્યા બાદ તેમને હવે બંગાળની સ્થાનિક ક્રિકેટ ટીમમાં સામેલ કરવામાં આવ્યા છે.બંગાળનું રણજી ટ્રોફી અભિયાન મૂળ કોલકાતાના ઐતિહાસિક ઈડન ગાર્ડન્સ ખાતે શરૂ થવાનું હતું, પરંતુ હવે મેચ કલ્યાણીમાં ખસેડવામાં આવી છે. સ્થળમાં ફેરફાર ૧૦ ઓક્ટોબરે મહાલયાથી શરૂ થતી દુર્ગા પૂજા ઉજવણીની શરૂઆત માટે વડા પ્રધાન નરેન્દ્ર મોદીના ઈડન ગાર્ડન્સની મુલાકાતને કારણે કરવામાં આવ્યો હતો.
બંગાળ ટીમમાં ભારતીય ક્રિકેટના ઘણા અનુભવી અને આંતરરાષ્ટÙીય સ્તરે માન્યતા પ્રાપ્ત બોલરોનો સમાવેશ થાય છે. ફાસ્ટ બોલર મોહમ્મદ શમી પણ ટીમનો ભાગ છે. મુકેશ કુમારને પણ ટીમમાં સામેલ કરવામાં આવ્યા છે. આકાશ દીપ પણ ટીમમાં છે અને ઈજામાંથી પાછા ફર્યા બાદ પોતાની ફિટનેસ અને ફોર્મ સાબિત કરવાનો પ્રયાસ કરશે. આગામી ન્યુઝીલેન્ડ પ્રવાસને ધ્યાનમાં રાખીને આ મેચ તેના માટે મહત્વપૂર્ણ માનવામાં આવે છે. બંગાળ અને દિલ્હીને રણજી ટ્રોફીના ગ્રુપ સીમાં રાખવામાં આવ્યા છે. આ ગ્રુપમાં ગુજરાત, ઝારખંડ, કેરળ, મહારાષ્ટÙ, ઓડિશા અને સર્વિસીસની ટીમો પણ શામેલ છે.
બંગાળની જાહેર કરાયેલી ટીમમાં અભિમન્યુ ઈશ્વરન (કેપ્ટન), સુદીપ કુમાર ઘરામી (ઉપ-કેપ્ટન), સુદીપ ચેટર્જી, અભિષેક પોરેલ, અંકુર પોલ, સુમંત ગુપ્તા, અંકિત શુક્લા, શુભમ ચેટર્જી, મોહમ્મદ શમી, આકાશ દીપ, મુકેશ કુમાર, સૂરજ સિંધુ જયસ્વાલ, પ્રદિપ્ત પ્રમાણિક, આમિર ઘની, એમડી કૈફ અને સૌમ્યદીપ મંડલનો સમાવેશ થાય છે. રિઝર્વ ખેલાડીઓમાં કરણ લાલ, અખિલેશ યાદવ, ગીત પુરી, અભિષેક કેઆર રમણ, શુભમ સરકાર, સુમિત મોહંતા અને આદિત્ય પુરોહિતનો સમાવેશ થાય છે.