અમેરિકાના દક્ષિણ ઇડાહોમાં એક રેસ્ટોરન્ટમાં ગોળીબારમાં ત્રણ લોકો માર્યા ગયા છે અને સાત અન્ય ઘાયલ થયા છે. ટ્વીન ફોલ્સ પોલીસ વડા મેથ્યુ હિક્સે એક પ્રેસ કોન્ફરન્સમાં જણાવ્યું હતું કે માર્યા ગયેલા લોકોમાં હુમલાખોર પણ હતો. તેમણે ઉમેર્યું હતું કે પોલીસ હુમલાખોરની ઓળખ અને હુમલા પાછળનો હેતુ નક્કી કરવા માટે કામ કરી રહી છે. હિક્સે કહ્યું, “અમારું માનવું છે કે હવે જનતા માટે કોઈ ખતરો નથી. ઘટનાસ્થળે ઘણી અંધાધૂંધી હતી.”
ઘટનાના પ્રત્યક્ષદર્શી ૩૪ વર્ષીય લેન કોહને કહ્યું કે તેમને ઇન-એન-આઉટ રેસ્ટોરન્ટ નજીક લાલ બત્તી પર રોકવામાં આવ્યા હતા ત્યારે તેમણે એક માણસને એઆર-શૈલીની રાઇફલ સાથે આવતો જાયો. તે જ સમયે, બીજા એક વ્યક્તિએ પિસ્તોલથી હુમલાખોર પર ગોળીબાર કર્યો. કોહને કહ્યું કે તેમણે રેસ્ટોરન્ટનો યુનિફોર્મ પહેરેલા એક કર્મચારીને છાતીમાં ગોળી વાગી હતી તે સાથીદારને પા‹કગમાં ખેંચતા જોયો. કર્મચારી, કોહન અને પિસ્તોલ સાથેનો એક માણસ તબીબી કર્મચારીઓ આવે ત્યાં સુધી તેની સાથે રહ્યા. તેમણે કહ્યું, “તેણી ખૂબ જ ગંભીર હાલતમાં હતી. મને ખબર નથી કે તે બચી ગઈ છે કે નહીં, પરંતુ મને આશા છે કે તે સુરક્ષિત છે.”
કોહને કહ્યું કે પોલીસે તેમને ત્યાંથી ચાલ્યા જવા કહ્યું કારણ કે ગોળીબાર હજુ પણ ચાલુ હતો. તેમના મતે, તે સ્પષ્ટ નથી કે તે કોઈ ચોક્કસ વ્યક્તિને નિશાન બનાવી રહ્યો હતો કે નહીં. શેરીની પેલે પારથી એક ડ્રાઇવરે લીધેલા વીડિયોમાં કાળા પોશાક પહેરેલા અને લાંબી રાઇફલ લઈને સફેદ કાર તરફ આવતા એક માણસ દેખાય છે. તેણે ડ્રાઇવર બાજુનો દરવાજા ખોલ્યો અને અંદર શોધવાનું શરૂ કર્યું. પછી તે અંદર ગયો અને કંઈક શોધવાનું શરૂ કર્યું. ફિલ્માંકન કરતો ડ્રાઇવર તરત જ ત્યાંથી ભાગી ગયો, ડર હતો કે તેને બીજું હથિયાર મળી જશે.
ટ્વીન ફોલ્સની રહેવાસી ૪૩ વર્ષીય હેલી ડોડારોએ કહ્યું કે તે તેની માતા સાથે લંચ માટે ઇન-એન-આઉટ ગઈ હતી. લાઇનમાં રાહ જાતી વખતે, તેણે લોકોને રસ્તા પર દોડતા અને રેસ્ટોરન્ટના કર્મચારીઓને બહાર નીકળતા જાયા. શરૂઆતમાં, તેણીને લાગ્યું કે આગ લાગી છે, પરંતુ ટ્રાફિક કંટ્રોલરે તેણીને જાણ કરી કે ગોળીબાર થયો છે. લોકો રડતા અને ચીસો પાડતા બહાર દોડી રહ્યા હતા. તે ભયાનક હતું.
આ ઘટના એક વ્યસ્ત વાણિજ્યક વિસ્તાર નજીક બની હતી, જ્યાં તે સમયે સેંકડો લોકો હાજર હતા. પોલીસ પ્રત્યક્ષદર્શીઓની મુલાકાત લઈ રહી છે અને ઘટના વિશે માહિતી ધરાવતા કોઈપણને આગળ આવવા અપીલ કરી છે. ટ્વીન ફોલ્સ, આશરે ૫૬,૦૦૦ ની વસ્તી ધરાવતું શહેર, બોઇસથી આશરે ૨૦૫ કિલોમીટર દક્ષિણપૂર્વમાં અને નેવાડા સરહદથી આશરે ૧૨૦ કિલોમીટર ઉત્તરમાં સ્થિત છે.
મે મહિનાની શરૂઆતમાં, બે હુમલાખોરોએ સાન ડિએગોમાં એક મસજીદમાં ગોળીબાર કર્યો હતો, જેમાં ત્રણ લોકો માર્યા ગયા હતા. હુમલા પછી, બંને હુમલાખોરોએ પોતાને ગોળી મારી હતી. અહેવાલ મુજબ, બંને હુમલાખોરો સગીર હતા. સાન ડિએગો પોલીસ વડા સ્કોટ વાહલે જણાવ્યું હતું કે સાન ડિએગોના ઇસ્લામિક સેન્ટર પર થયેલા હુમલાની તપાસ નફરતના ગુના તરીકે કરવામાં આવી રહી છે.