સમાજવાદી પાર્ટીએ સમાજવાદી વિચારક અને ભૂતપૂર્વ કેન્દ્રીય મંત્રી જનેશ્વર મિશ્રાની જન્મજયંતિ પર રાજધાની લખનૌમાં શક્તિ પ્રદર્શન કર્યું. સપાના રાષ્ટ્રીય અધ્યક્ષ અખિલેશ યાદવે જનેશ્વર મિશ્રા પાર્કની મુલાકાત લીધી અને તેમની પ્રતિમાને માળા અર્પણ કરીને શ્રદ્ધાંજલિ આપી. મોટી સંખ્યામાં પાર્ટી કાર્યકરોએ તેમનું ઉત્સાહપૂર્વક સ્વાગત કર્યું, અને સમગ્ર વિસ્તાર “ઝિંદાબાદ” ના નારાઓથી ગુંજી ઉઠ્યો.
સવારે ૧૧ઃ૩૦ વાગ્યે જનેશ્વર મિશ્રા પાર્ક પહોંચ્યા, અખિલેશ યાદવ ગોલ્ફ કાર્ટમાં પ્રતિમા સ્થળ પર ગયા. તેઓ ગાડીમાંથી ઉતરતા જ, પાર્ટી કાર્યકરોના ટોળાએ તેમને ઘેરી લીધા. પોલીસ અને સુરક્ષા કર્મચારીઓએ ભારે જહેમત પછી ભીડને કાબૂમાં લીધી અને તેમને સુરક્ષિત રીતે પ્રતિમા સુધી પહોંચાડ્યા.
શ્રદ્ધાંજલિ સમારંભ પછી, અખિલેશ યાદવ પાર્ટી કાર્યાલય પરત ફર્યા, જ્યાં તેમણે બ્રાહ્મણ સમુદાયને એક કરવા માટે આયોજિત “પ્રબુદ્ધજન સંમેલન” માં હાજરી આપી. બ્રાહ્મણ સમુદાય સાથે સંકળાયેલા રાજ્યભરના પાર્ટી નેતાઓ અને અધિકારીઓ સંમેલનમાં હાજર રહ્યા. કાર્યકર્તાઓને સંબોધતા અખિલેશ યાદવે કહ્યું, “જનેશ્વર મિશ્રાએ પોતાનું આખું જીવન સમાજવાદી પાર્ટીને મજબૂત બનાવવા માટે સમર્પિત કર્યું, અને આજે પણ તેમના વિચારો પાર્ટીની તાકાત છે. જનેશ્વર મિશ્રા પાર્કમાં એક મોટા કાર્યક્રમની પરવાનગી નકારી કાઢવામાં આવી હતી, પરંતુ તેનાથી ૨૦૨૭માં પરિવર્તનનો અવાજ બંધ થશે નહીં. લોહિયા પાર્ક ભલે નાનો હોય, પરંતુ વિચારોની દ્રષ્ટિએ તે દેશનો સૌથી મોટો ઉદ્યાન છે.”
ભાજપ પર પીડીએ (પછાત, દલિત, લઘુમતી) રાજકારણથી ડરવાનો આરોપ લગાવતા તેમણે કહ્યું કે ભાજપ હવે પીડીએની નવી વ્યાખ્યાઓ બનાવી રહ્યું છે. તેમણે કહ્યું કે સમાજના તમામ વર્ગોએ એક થવંવ જોઈએ અને ૨૦૨૭ની ચૂંટણીમાં ભાજપને યોગ્ય જવાબ આપવો જોઈએ. તેઓ પીડીએ સામે હાર્યા ત્યારથી જ આ કરી રહ્યા છે. જે લોકો સમયાંતરે પીડીએની વ્યાખ્યા બદલતા રહે છે તેઓએ જાણવું જાઈએ કે પીડીએમાં પી એટલે પંડિત, અને પીડી એટલે પંડિત. તમે પંડિતને જેટલું વધારે હેરાન કરશો, તેટલો જ તે મજબૂત બનશે.”
કાર્યક્રમને સંબોધતા, ભૂતપૂર્વ મંત્રી અભિષેક મિશ્રાએ ભાજપ સરકાર પર બ્રાહ્મણોના નકલી એન્કાઉન્ટર કરવાનો આરોપ લગાવ્યો. તેમણે કહ્યું કે જા સમાજવાદી પાર્ટી રાજ્યમાં સરકાર બનાવે છે, તો કોઈ એન્કાઉન્ટર થશે નહીં અને વર્તમાન સરકાર દરમિયાન થયેલા તમામ કથિત નકલી એન્કાઉન્ટરની તપાસ કરવામાં આવશે. જો તપાસમાં કોઈ અધિકારી, ડીજીપી જેવા ઉચ્ચ કક્ષાના અધિકારીની સંડોવણી બહાર આવશે, તો તેમની સામે કાર્યવાહી કરવામાં આવશે, અને જો જરૂરી હોય તો તેમને જેલમાં મોકલવામાં આવશે.