આગામી થોડા દિવસોમાં દેશભરના પાંચ રાજ્યોમાં વિધાનસભા ચૂંટણી યોજાવાની છે. બધા રાજકીય પક્ષો પોતપોતાની ચૂંટણીઓની તૈયારીમાં વ્યસ્ત છે. દરમિયાન, ઝારખંડ મુક્મોતિ રચાએ આસામ ચૂંટણી એકલા લડવાનો મહત્વપૂર્ણ નિર્ણય લીધો છે. આ હેતુ માટે ૨૧ ઉમેદવારોની યાદી જાહેર કરવામાં આવી છે. કોંગ્રેસ અને જેએમએમએ ઝારખંડ વિધાનસભાની ચૂંટણી સાથે મળીને લડી હતી. પરિણામે, આસામની ચૂંટણી એકલા લડવાના નિર્ણયથી કોંગ્રેસની ચિંતા વધી ગઈ છે.
કોંગ્રેસે ઝારખંડ મુક્તિ મોરચાના નિર્ણય પર ચિંતા વ્યક્ત કરી છે. જેએમએમએ ૯ એપ્રિલે આસામમાં યોજાનારી ચૂંટણી માટે ૨૧ બેઠકો પર ઉમેદવારો ઉભા રાખ્યા છે. શરૂઆતથી જ કોંગ્રેસ ઇચ્છતી હતી કે ભારતીય જનતા પાર્ટી (ભાજપ)ને હરાવવા માટે તે અને જેએમએમ આસામ ચૂંટણી સાથે મળીને લડે. જાકે, જેએમએમએ એકલા ચૂંટણી લડવાનો નિર્ણય લીધો, જેનાથી કોંગ્રેસને ડર છે કે આદિવાસી મત વિભાજીત થઈ શકે છે, જેનાથી ભાજપને ફાયદો થઈ શકે છે.
કોંગ્રેસના નેતાઓએ કહ્યું કે તેમણે ત્નસ્સ્ ને ૫૭ બેઠકોની ઓફર કરી હતી, પરંતુ આ સોદો નિષ્ફળ ગયો. ત્નસ્સ્ હવે ઝારખંડની બહાર પોતાની પકડ મજબૂત કરવા માંગે છે, જેના કારણે તે આસામમાં ચૂંટણી લડી રહી છે. તે ખાસ કરીને આદિવાસી અને ચાના બગીચાના કામદારોમાં પોતાનો પ્રભાવ મજબૂત કરવા માંગે છે.
કોંગ્રેસના નેતા રાકેશ રંજને કહ્યું કે પાર્ટીને આશા હતી કે જેએમએમ વિપક્ષી ગઠબંધનના ભાગ રૂપે ચૂંટણી લડશે. તેમણે કહ્યું, “અમે આસામની ચૂંટણી સાથે મળીને લડવા માંગતા હતા. આસામ કોંગ્રેસના વડા ગૌરવ ગોગોઈ અન્ય વરિષ્ઠ નેતાઓ સાથે ઝારખંડ આવ્યા હતા, અને અમને ત્નસ્સ્ સાથે જાડાણની આશા હતી. જાકે, પાર્ટીએ એકલા ૨૧ ઉમેદવારો ઉભા રાખવાનો નિર્ણય લીધો, જે આદિવાસી મતને વિભાજીત કરી શકે છે.”
ઝારખંડ કોંગ્રેસના પ્રમુખ કેશવ મહતો કમલેશે જણાવ્યું હતું કે તેમની પાર્ટીએ જેએમએમ સાથે સંકલન માટે “ગંભીર અને સકારાત્મક પ્રયાસો” કર્યા છે. ઝારખંડના શાસક પક્ષ, જેએમએમ દ્વારા આસામમાં લડવામાં આવેલી બેઠકોમાં મઝબત, વિશ્વનાથ, ખુમતાઈ, ચાબુઆ, ગોસ્સાઈગાંવ, રંગાપરા, માર્ગેરિટા, નાહરકટિયા અને ટીટાબોરનો સમાવેશ થાય છે.