સમગ્ર ઉત્તર ભારત ઠંડીની ઝપેટમાં છે. ઠંડીને કારણે લોકો ઘરની અંદર રહેવા મજબૂર છે. દિલ્હી-દ્ગઝ્રઇ થી ઉત્તર પ્રદેશ અને બિહાર સુધી દરેક રાજ્યમાં ઠંડીમાં નોંધપાત્ર વધારો થયો છે. દિલ્હી-એનસીઆરમાં, નવા વર્ષ સાથે ઠંડી વધુ તીવ્ર બની છે. જોરદાર પવન લોકોને નોંધપાત્ર અગવડતા પહોંચાડી રહ્યા છે. જોકે, જોરદાર પવનોને કારણે, દિલ્હી-એનસીઆરમાં હવાની ગુણવત્તામાં થોડો સુધારો જોવા મળી રહ્યો છે. હવામાન વિભાગે દિલ્હી-એનસીઆરમાં તાપમાનમાં વધુ ઘટાડો થવાની આગાહી કરી છે.
વધુમાં, ઉત્તર પ્રદેશમાં ઠંડી ચાલુ રહેશે. ઉત્તર પ્રદેશના મોટાભાગના જિલ્લાઓમાં ધુમ્મસની ચેતવણી જારી કરવામાં આવી છે. હવામાન વિભાગે કૌશામ્બી, પ્રયાગરાજ, વારાણસી, સંત રવિદાસ નગર, ગાઝીપુર, આઝમગઢ, જૌનપુર, પ્રતાપગઢ, રાયબરેલી, અમેઠી, સુલતાનપુર, મઉ, બલિયા, દેવરિયા, ગોરખપુર, કુશીનગર, મહારાજગંજ, સિદ્ધાર્થનગર, બસ્તી, સંત કબીર નગર, આંબેડકર નગર અને સુલતાનપુર માટે ઠંડા દિવસની ચેતવણી જારી કરી હતી. આગામી દિવસોમાં તાપમાનમાં ઘટાડો ચાલુ રહેશે, જેનાથી ઠંડીથી કોઈ રાહત મળશે નહીં. તેવી જ રીતે, બિહારમાં, ઠંડીને કારણે લોકો માટે ઘરોમાંથી બહાર નીકળવું મુશ્કેલ બન્યું છે. બિહારના ઘણા જિલ્લાઓમાં ઠંડા ચેતવણી જારી કરવામાં આવી છે.
જ્યારે પંજાબ, હરિયાણા અને ઉત્તરાખંડમાં પણ તીવ્ર ઠંડીની સ્થિતિનો અનુભવ થઈ રહ્યો છે. ધુમ્મસના કારણે દિવસ દરમિયાન પણ દૃશ્યતા નબળી પડી રહી છે. ૬ જાન્યુઆરીએ ઉત્તરાખંડમાં બરફવર્ષા થવાની સંભાવના છે. જમ્મુ-કાશ્મીર અને લદ્દાખમાં હળવો થી મયમ વરસાદ અથવા હિમવર્ષા થવાની સંભાવના છે. હિમાચલ પ્રદેશમાં પણ બરફવર્ષા થવાની સંભાવના છે. હવામાન વિભાગે ઘણા વિસ્તારોમાં હિમવર્ષા થવાની આગાહી કરી છે, જેના કારણે પહાડી વિસ્તારોમાં પાકને નોંધપાત્ર નુક્સાન થઈ શકે છે.
કેરળમાં વરસાદ શરૂ થઈ ગયો છે, ઘણા વિસ્તારોમાં વચ્ચે-વચ્ચે વરસાદ પડી રહ્યો છે. હવામાન વિભાગે આગામી બે દિવસ કેરળમાં ભારે વરસાદની આગાહી કરી છે. કર્ણાટકમાં પણ સારો વરસાદ પડી રહ્યો છે. આગામી બે દિવસ રાજ્યમાં વરસાદની અપેક્ષા છે. રાજ્યના કેટલાક ભાગોમાં પણ વચ્ચે-વચ્ચે વરસાદની અપેક્ષા છે. વધુમાં, આગામી બે દિવસ પુડુચેરી અને આંદામાન અને નિકોબાર ટાપુઓમાં ભારે વરસાદની આગાહી છે. ખીણમાં રાત્રિનું તાપમાન શૂન્યતા બિંદુએ પહોંચી ગયું છે. રાતો વધુ ઠંડી બની ગઈ છે. રવિવારે ગુલમર્ગ સૌથી ઠંડુ સ્થળ હતું, ત્યાં લઘુત્તમ તાપમાન -૬.૫ ડિગ્રી સેલ્સિયસ હતું, જ્યારે શ્રીનગરમાં લઘુત્તમ તાપમાન -૩.૨ ડિગ્રી સેલ્સિયસ નોંધાયું હતું. રવિવારે બપોરે સૂર્ય ચમક્તો હતો, પણ ઠંડા પવન સામે તે બિનઅસરકારક લાગતું હતું.
હવામાન વિભાગની આગાહી મુજબ, આ અઠવાડિયે તાપમાનમાં વધુ ત્રણ ડિગ્રીનો ઘટાડો થશે. રવિવારે, શ્રીનગરમાં મહત્તમ તાપમાન ૯.૬ ડિગ્રી સેલ્સિયસ નોંધાયું હતું, જે સામાન્ય કરતાં ૧.૯ ડિગ્રી વધારે હતું, જ્યારે લઘુત્તમ તાપમાન માઈનસ ૩.૨ ડિગ્રી સેલ્સિયસ હતું, જે સામાન્ય કરતાં ૦.૮ ડિગ્રી ઓછું હતું. કાશ્મીરના પ્રવેશદ્વાર કાઝીગુંડમાં, મહત્તમ તાપમાન ૯.૦ ડિગ્રી સેલ્સિયસ હતું, જે સામાન્ય કરતાં ૧.૫ ડિગ્રી વધારે હતું. લઘુત્તમ તાપમાન માઈનસ ૪.૦ ડિગ્રી સેલ્સિયસ હતું, જે સામાન્ય કરતાં ૧.૦ ડિગ્રી ઓછું હતું. પહેલગામમાં, મહત્તમ તાપમાન ૪.૮ ડિગ્રી સેલ્સિયસ હતું, જે સામાન્ય કરતાં ૦.૯ ડિગ્રી ઓછું હતું. લઘુત્તમ તાપમાન માઈનસ ૪.૦ ડિગ્રી સેલ્સિયસ હતું, જે સામાન્ય કરતાં ૧.૯ ડિગ્રી વધારે હતું. ગુલમર્ગમાં, મહત્તમ તાપમાન ૧.૦ ડિગ્રી સેલ્સિયસ હતું, જે સામાન્ય કરતાં ૧.૩ ડિગ્રી ઓછું હતું, જ્યારે લઘુત્તમ તાપમાન માઈનસ ૬.૫ ડિગ્રી સેલ્સિયસ હતું, જે સામાન્ય કરતાં ૦.૨ ડિગ્રી વધારે હતું.
હવામાન વિભાગના ડેટા અનુસાર, કાશ્મીર વિભાગમાં શ્રીનગર એરપોર્ટ પર લઘુત્તમ તાપમાન માઈનસ ૪.૨ ડિગ્રી સેલ્સિયસ, કુપવાડામાં માઈનસ ૨.૫ ડિગ્રી સેલ્સિયસ, કોકરનાગમાં માઈનસ ૧.૬ ડિગ્રી સેલ્સિયસ, પમ્પોરમાં માઈનસ ૩.૦ ડિગ્રી સેલ્સિયસ, અવંતીપોરામાં માઈનસ ૪.૨ ડિગ્રી સેલ્સિયસ, બડગામમાં માઈનસ ૩.૩ ડિગ્રી સેલ્સિયસ, અનંતનાગમાં માઈનસ ૪.૬ ડિગ્રી સેલ્સિયસ, બારામુલ્લામાં માઈનસ ૩.૩ ડિગ્રી સેલ્સિયસ, બાંદીપોરામાં માઈનસ ૧.૨ ડિગ્રી સેલ્સિયસ, પુલવામામાં માઈનસ ૫.૧ ડિગ્રી સેલ્સિયસ, શોપિયામાં માઈનસ ૬.૦ ડિગ્રી સેલ્સિયસ અને ગાંદરબલમાં માઈનસ ૨.૦ ડિગ્રી સેલ્સિયસ હતું. જમ્મુ ડિવિઝનમાં, જમ્મુમાં લઘુત્તમ તાપમાન ૧૦.૦ ડિગ્રી, જમ્મુ એરપોર્ટ પર ૧૦.૩ ડિગ્રી, બનિહાલમાં માઇનસ ૦.૯ ડિગ્રી, બટોટેમાં ૧.૯ ડિગ્રી, કઠુઆમાં ૭.૦ ડિગ્રી, ભદરવાહમાં માઇનસ ૧.૬ ડિગ્રી, કાથુમાં ૭.૦ ડિગ્રી, કઠુપુરમાં ૫ ડિગ્રી સેલ્સિયસ નોંધાયું હતું. રામબનમાં ૨.૩ ડિગ્રી, રાજૌરીમાં ૨.૫ ડિગ્રી, કિશ્તવાડમાં ૨.૯ ડિગ્રી, રિયાસીમાં ૮.૮ ડિગ્રી અને ડોડામાં ૧.૯ ડિગ્રી સેલ્સિયસ તાપમાન નોંધાયું હતું.