ટ્રેવિસ હેડ હંમેશા તેની વિસ્ફોટક બેટિંગ માટે જાણીતા છે. ઇંગ્લેન્ડ સામેની એશિઝ શ્રેણીની પ્રથમ મેચમાં, તેણે શાનદાર સદી ફટકારી અને વિરોધી બોલરોને કચડી નાખ્યા. ઇંગ્લેન્ડના બોલરો તેની ગતિ સામે ટકી શક્યા નહીં અને ખરાબ રીતે લોપ રહ્યા. હેડે ઓસ્ટ્રેલિયાને માત્ર ૨૮.૨ ઓવરમાં ૨૦૫ રનનો લક્ષ્યાંક હાંસલ કરવામાં અને શ્રેણીમાં ૧-૦ની લીડ મેળવવામાં મદદ કરી.
ટ્રેવિસ હેડે ઇંગ્લેન્ડ સામેની પહેલી મેચમાં ૮૩ બોલમાં કુલ ૧૨૩ રન બનાવ્યા હતા, જેમાં ૧૬ ચોગ્ગા અને ચાર છગ્ગાનો સમાવેશ થાય છે. તેમની વિસ્ફોટક બેટિંગનો અંદાજ એ વાત પરથી લગાવી શકાય છે કે તેમણે માત્ર ૬૯ બોલમાં પોતાની સદી પૂરી કરી. આ સાથે હેડે એક અદ્ભુત વિશ્ર્વ રેકોર્ડ બનાવ્યો. તે ટેસ્ટ ક્રિકેટ ઇતિહાસમાં ચોથી ઇનિંગમાં સદી ફટકારનાર સૌથી ઝડપી બેટ્સમેન બન્યો.
ટ્રેવિસ હેડ પહેલા, ગિલ્બર્ટ જેસોપે ટેસ્ટ ક્રિકેટની ચોથી ઇનિંગમાં સૌથી ઝડપી સદી ફટકારવાનો રેકોર્ડ બનાવ્યો હતો. ઇંગ્લેન્ડના ગિલ્બર્ટ જેસોપે ૧૯૦૨માં ઓસ્ટ્રેલિયા સામેની ટેસ્ટની ચોથી ઇનિંગમાં ૭૬ બોલમાં સદી ફટકારી હતી. હવે, હેડે તેમનો ૧૨૩ વર્ષ જૂનો વિશ્ર્વ રેકોર્ડ તોડી નાખ્યો છે. તેમણે ઇંગ્લેન્ડ સામે એક દુર્લભ પ્રકારની બેટિંગ કરી છે. ઇંગ્લેન્ડના બોલરો તેમની સામે ટકી શક્યા નહીં.
ટ્રેવિસ હેડે ૨૦૧૮ માં ઓસ્ટ્રેલિયન ટીમ માટે ટેસ્ટ ડેબ્યૂ કર્યું હતું. ત્યારથી, તેણે ટીમ માટે મજબૂત પ્રદર્શન કર્યું છે. તેણે ૬૧ ટેસ્ટ મેચોમાં કુલ ૪૧૦૭ રન બનાવ્યા છે, જેમાં ૧૦ સદી અને ૨૦ અડધી સદીનો સમાવેશ થાય છે. હેડ સેટલ થયા પછી, તે મોટી ઇનિંગ્સ રમે છે. ઇંગ્લેન્ડ સામે સદી ફટકારીને, તેણે દર્શાવ્યું કે તે ટેસ્ટ ક્રિકેટમાં ્૨૦ ફોર્મેટની જેમ બેટિંગ કરી શકે છે.