મહીસાગર જીલ્લાના સંતરામપુરમાં વિદ્યાર્થીઓને સાપ વિશે જાગૃત કરવા અને સાપને લઈને ફેલાયેલી અંધશ્રદ્ધા દૂર કરવા માટે એક સ્નેક અવેરનેસ કાર્યક્રમ યોજાયો હતો.
આ જાગૃતિ કાર્યક્રમ સંતરામપુરની જે.એચ. મહેતા હાઈસ્કૂલ અને નટવા ઋતુંભરા ક્ધયા આશ્રમશાળામાં યોજાયો હતો. એનિમલ હેલ્પ ચેરિટેબલ ટ્રસ્ટ અને સંતરામપુર વન વિભાગે સાથે મળીને તેનું આયોજન કર્યું હતું.
કાર્યક્રમમાં વિદ્યાર્થીઓને ગુજરાત સહિત દેશભરમાં જોવા મળતા અલગ અલગ પ્રકારના ઝેરી અને બિનઝેરી સાપ વિશે ઘણી માહિતી આપવામાં આવી. તેમને સાપને ઓળખવા, તેમના રહેઠાણ, માનવ જીવન સાથે તેમનો સંબંધ, અને સાપ કરડે ત્યારે શું કરવું કે શું ન કરવું તે વિશે પણ શીખવવામાં આવ્યું.
આ સિવાય, સાપને લઈને સમાજમાં ફેલાયેલી અંધશ્રદ્ધા અને ખોટી માન્યતાઓથી દૂર રહેવા માટે પણ વિદ્યાર્થીઓને સમજાવવામાં આવ્યું. તેમને સાપ દેખાય ત્યારે તેને મારવાને બદલે સુરક્ષિત રીતે રેસ્ક્યુ કરાવવા માટે પણ કહેવામાં આવ્યું.
આ કાર્યક્રમનો મુખ્ય હેતુ વિદ્યાર્થીઓમાં સાપ અને બીજા વન્યજીવો પ્રત્યે જાગૃતિ વધારવાનો હતો. સાથે જ, માનવી અને વન્યજીવો વચ્ચે સહઅસ્તિત્વનો સંદેશ પણ પહોંચાડવાનો હતો.