દેશની સર્વોચ્ચ અદાલતે હવે રિયલ એસ્ટેટ ક્ષેત્રને નિયંત્રિત કરવા માટે ઘડવામાં આવેલા કાયદા રેરા પર ગંભીર પ્રશ્નો ઉભા કર્યા છે. સુપ્રીમ કોર્ટે કડક ટિપ્પણી કરી હતી કે જા આ સંસ્થા તેના મૂળ હેતુથી ભટકી ગઈ છે અને ઘર ખરીદનારાઓને બદલે ડિફોલ્ટર બિલ્ડરોને રાહત આપી રહી છે, તો તેને નાબૂદ કરવી જાઈએ. આ અંગે પણ વિચારણા કરવી જાઈએ. કોર્ટની આ ટિપ્પણીએ રિયલ એસ્ટેટ જગતમાં ખળભળાટ મચાવ્યો છે.
ભારતના મુખ્ય ન્યાયાધીશ સૂર્યકાંત અને ન્યાયાધીશ જાયમલ્યા બાગચીની બનેલી બેન્ચ હિમાચલ પ્રદેશ સરકાર વિરુદ્ધ નરેશ શર્માના કેસની સુનાવણી કરી રહી હતી. સુનાવણી દરમિયાન,સીજેઆઇ એ કહ્યું કે રાજ્યોએ રેરાનો હેતુ શું હતો તેનું આત્મનિરીક્ષણ કરવું જાઈએ. કોર્ટે ચિંતા વ્યક્ત કરી હતી કે ઘણા કિસ્સાઓમાં, સામાન્ય ખરીદદારો, રાહત મેળવવાને બદલે, લાંબી કાનૂની કાર્યવાહીનો સામનો કરે છે, જ્યારે ડિફોલ્ટર બિલ્ડરોને ફાયદો થાય છે. સીજેઆઇએ સ્પષ્ટપણે જણાવ્યું હતું કે જા કોઈ સંસ્થા તેના હેતુને પૂર્ણ કરવામાં અસમર્થ હોય, તો તેના અસ્થીત્વ પર પ્રશ્ન ઉઠાવવો સ્વાભાવિક છે.
આ કેસ હિમાચલ પ્રદેશમાં રેરા ઓફિસને શિમલાથી ધર્મશાળામાં સ્થાનાંતરિત કરવા સંબંધિત છે. રાજ્ય સરકારે આ સંદર્ભમાં એક સૂચના જારી કરી હતી, જેના પર હાઇકોર્ટે સ્ટે મૂક્્યો હતો. હાઇકોર્ટનું માનવું હતું કે વૈકલ્પિક વ્યવસ્થા વિના, આ પગલું સંસ્થાના કાર્યને અસર કરી શકે છે. જાકે, સુપ્રીમ કોર્ટે હાઈકોર્ટના આદેશમાં હસ્તક્ષેપ કર્યો અને રાજ્ય સરકારને ઓફિસ ટ્રાન્સફર કરવાની મંજૂરી આપી. તેણે એવો પણ નિર્દેશ આપ્યો કે રેરા અને તેની અપીલ સંસ્થાઓનું પુનર્ગઠન કરવામાં આવે. બંને ટ્રિબ્યુનલની કામગીરીને અસર ન થવી જાઈએ, અને પેન્ડીંગ કેસોની નિયમિત સુનાવણી થવી જાઈએ. સુનાવણી દરમિયાન, કોર્ટે એ પણ ભાર મૂક્્યો કે ઇઈઇછનો ઉદ્દેશ્ય ઘર ખરીદનારાઓને સમયસર ન્યાય અને પારદર્શિતા પૂરી પાડવાનો હતો. જા કે, જમીન પર રહેલા ઘણા ખરીદદારો ફરિયાદ કરે છે કે તેમને વર્ષો સુધી રાહ જાવી પડે છે અને કોઈ નક્કર રાહત મળતી નથી.
રેરા કાયદો ૨૦૧૬ માં રિયલ એસ્ટેટ ક્ષેત્રમાં પારદર્શિતા લાવવા અને બિલ્ડરોની મનસ્વીતાને રોકવા માટે લાગુ કરવામાં આવ્યો હતો. દરેક રાજ્યમાં નિયમનકારી સત્તામંડળોની સ્થાપના કરીને, ફ્લેટ ખરીદનારાઓને ઘર અને ન્યાય સમયસર મળે તે સુનિશ્ચિત કરવાનો પ્રયાસ કરવામાં આવ્યો હતો.