પંજાબના રાજકારણમાં ઉથલપાથલ મચી ગઈ છે. બે દિવસમાં, આપના ત્રણ ધારાસભ્યોએ બળવો કરીને પાર્ટીમાંથી રાજીનામું આપી દીધું છે. રાજીનામું આપનારા ત્રણ બળવાખોર ધારાસભ્યો પણ આજે દિલ્હીમાં ભાજપમાં જાડાયા. આનો અર્થ એ થયો કે આ ત્રણ બળવાખોર ધારાસભ્યો હવે ભાજપમાં જાડાયા છે, જે આપને ફટકો આપી રહ્યા છે.
૧ નવેમ્બર, ૨૦૨૬ ના રોજ, સમાચાર આવ્યા કે પંજાબના બે આપ ધારાસભ્યોએ પાર્ટીમાંથી રાજીનામું આપી દીધું છે. આ બે ધારાસભ્યોની ઓળખ પટિયાલાના સનૌર મતવિસ્તારના ધારાસભ્ય હરમીત સિંહ પઠાણ માજરા અને સમાનાના ધારાસભ્ય અને ભૂતપૂર્વ મંત્રી ચેતન સિંહ જારા માજરા તરીકે થઈ છે.
આજે સવારે (૨ નવેમ્બર), પંજાબમાં આમ આદમી પાર્ટીને વધુ એક ઝટકો લાગ્યો જ્યારે સસ્પેન્ડ કરાયેલા ધારાસભ્ય અને ભૂતપૂર્વ આઇપીએસ અધિકારી કુંવર વિજય પ્રતાપ સિંહે પણ પંજાબ વિધાનસભામાંથી રાજીનામું આપી દીધું. તેમણે વિધાનસભા અધ્યક્ષ કુલતાર સિંહ સંધવાનને પોતાનું રાજીનામું મોકલી દીધું.આ ઘટનાક્રમના થોડા સમય પછી, આ ત્રણ બળવાખોર છછઁ ધારાસભ્યો ભાજપ મુખ્યાલય પહોંચ્યા અને ભાજપમાં જાડાયા. ભાજપમાં જાડાયેલા કુંવર વિજય પ્રતાપ સિંહે એક નિવેદન બહાર પાડ્યું.
ભાજપમાં જાડાયા બાદ કુંવર વિજય પ્રતાપે કહ્યું, “પંજાબમાં આમ આદમી પાર્ટી ખતમ થઈ ગઈ છે; અરવિંદ કેજરીવાલ અને ભગવંત માન પોતે જ તેનો અંત લાવી ચુક્યા છે. વ્યવહારિક રીતે, આમ આદમી પાર્ટી હવે અસ્તિત્વમાં નથી. પંજાબમાં પણ ‘ડબલ એન્જન’ સરકાર બનશે. ગુના દર અંગે, મેં અમૃતસરમાં પોલીસ અધિક્ષક તરીકે સેવા આપી હતી; ૨૦૦૭, ૨૦૦૮ અને ૨૦૦૯માં, અમે ડ્રગ્સની સમસ્યા અને ગુના બંનેને સંપૂર્ણપણે નાબૂદ કર્યા. જાકે, મારા ગયા પછી, પરિસ્થિતિ ફરી ક્યારેય કાબુમાં આવી નહીં.”
કુંવર વિજય પ્રતાપ સિંહે કહ્યું, “પંજાબ પર ગુંડાઓનું રાજ છે. છેલ્લા પાંચ વર્ષ મેં કેવી રીતે વિતાવ્યા તે ફક્ત હું જ જાણું છું.” દિલ્હીમાં ભાજપમાં જાડાયા બાદ હરમીત સિંહ પઠાણમાજરાએ કહ્યું, “જ્યારે આમ આદમી પાર્ટી પહેલી વાર પંજાબ આવી, ત્યારે તેમણે ખૂબ જ પ્રભાવશાળી દ્રષ્ટિકોણ રજૂ કર્યો. આ વિચારોએ જ આમ આદમી પાર્ટીને આટલી વિશાળ રાજકીય વ્યવસ્થા વચ્ચે સરકાર બનાવવા સક્ષમ બનાવી. પરંતુ સમય જતાં, જેમણે પોતાનો અવાજ ઉઠાવ્યો – જેમણે પંજાબના મુદ્દાઓ માટે લડ્યા – તેઓને કાપી નાખવામાં આવ્યા. આજે, પંજાબને ઘણીવાર ‘ઉડતા પંજાબ’ કહેવામાં આવે છે, પરંતુ આપણે બધા તેને ‘રાઇઝિંગ પંજાબ’ બનાવવા માંગીએ છીએ. આપે પંજાબને દલદલમાં ધકેલી દીધું છે. આમ આદમી પાર્ટીએ અન્ય કોઈપણ સરકાર કરતાં વધુ દેવું લીધું છે, જેના કારણે પંજાબ ખરાબ સ્થિતિમાં મુકાઈ ગયું છે.”