એન. એમ. સદગુરુ વોટર એન્ડ ડેવલપમેન્ટ ફાઉન્ડેશન, દાહોદ સંસ્થા અંતર્ગત એક્સિસ બેંક ફાઉન્ડેશનના સહયોગથી ચાલતા પ્રોજેક્ટ દ્વારા ખેડૂતોની આર્થિક ઉન્નતિ માટે ઉત્કૃષ્ટ કાર્ય કરવામાં આવી રહ્યું છે.
આ પ્રોજેક્ટ અંતર્ગત ગોધરા તાલુકાના ગઢ ગામના લાભાર્થી બહેન પટેલ હિરકાબેન રણજીતભાઈને પોલીહાઉસ નર્સરીની સહાય પૂરી પાડવામાં આવી હતી. જેના સફળ પરિણામ સ્વરૂપે, તેમણે વિવિધ પ્રકારના શાકભાજીના રોપા તૈયાર કરી અલગ-અલગ ગામો અને તાલુકાઓમાં અત્યાર સુધીમાં કુલ ૧,૫૦,૦૦૦ થી ૨,૦૦,૦૦૦ રોપાનું વેચાણ કરેલ છે. આ વ્યવસાયમાં કુલ ખર્ચ બાદ કરતાં તેઓએ ₹૧,૨૦,૦૦૦/- નો ચોખ્ખો નફો મેળવીને આત્મનિર્ભરતાનું ઉત્તમ ઉદાહરણ પૂરું પાડ્યું છે.
પ્રોજેક્ટનો વ્યાપ અને ખેડૂતોની ભાગીદારી:
આ સી.એસ.આર. (CSR) પ્રોજેક્ટ હેઠળ ગ્રામીણ વિસ્તારમાં વ્યાપક સ્તરે કામગીરી ચાલી રહી છે:
મોરવા (હ.) તાલુકો: ૧૨ ગામો અને ૪,૦૦૦ ખેડૂત
ગોધરા તાલુકો: ૯ ગામો અને ૨,૦૦૦ ખેડૂતો
આમ, કુલ ૬,૦૦૦ ખેડૂતો આ પ્રોજેક્ટ સાથે જોડાઈને લાભ મેળવી રહ્યા છે, જેમાં ખેડૂતોનો ખૂબ જ સારો સાથ-સહકાર મળી રહ્યો છે.