નસવાડી તાલુકાના આંતરિયાળ વિસ્તારમાં આવેલા હાંડેલી ગામની પ્રા.શાળાની હાલત અત્યંત દયનીય છે. અત્યંત જર્જરિત બનેલા શાળાના ઓરડા તોડી પાડ્યા બાદ નવા ઓરાડાઓના નિર્માણની કામગીરી શ ન થતાં ધો.-૧ થી ૫ માં અભ્યાસ કરતા લગભગ ૧૭ જેટલા બાળકોને મધ્યાહન ભોજનના સંચાલક રાઠવા રતનભાઈ સોમજીભાઈના આવાસમાં અભ્યાસ કરી રહ્યા છે. આ દ્રશ્ય શિક્ષણ વ્યવસ્થા ઉપર અનેક સવાલો ઉભા કરી રહ્યુ છે.
આ આવાસમાં બાળકો માટે માત્ર એક જ ટેબલ પંખો અને એક લાઈટ ઉપલબ્ધ છે. અપુરતી સુવિધાઓ વચ્ચે ગરમી અને અંધારામાં બાળકો અભ્યાસ કરવા મજબુર બન્યા છે. આ પરિસ્થિતિ બાળકોના શૈક્ષણિક વિકાસ પર નકારાત્મક અસર પાડી રહી છે. આવાસમાં શોૈચાલયની સુવિધાનો અભાવ હોવાના કારણે બાળકોને શોૈચક્રિયા માટે બહાર જવુ પડે છે. આ સ્થિતિ માત્ર બાળકો માટે જ નહિ પરંતુ શાળાના શિક્ષકો માટે પણ શરમજનક છે. જેમને પણ શોૈચક્રિયાચ માટે ગામમાં અન્યના ધરે જવુ પડે છે. આ ઉપરાંત મધ્યાહન ભોજનનો નાસ્તો પણ આ જ નાના મમાં બનાવવામાં આવે છે. જે આગ જેવી મોટી દુર્ધટના સર્જાવવાની સંભાવના છે. બાળકોના સ્વાસ્થ્ય અને સલામતી અંગે ગંભીર પ્રશ્ર્નો ઉભા થઈ રહ્યા છે. સ્થાનિક પ્રશાસન અને શિક્ષણ વિભાગ દ્વારા આ ગંભીર સમસ્યાની તાત્કાલિક નોંધ લઈને બાળકો માટે નવીન વહેલી તકે શાળાના ઓરડા બનાવવામાં આવે તેવી માંગ ઉઠવા પામી છે.