ભારતીય પ્રધાનમંત્રી નરેન્દ્ર મોદી જોર્ડનની મુલાકાતે છે. સોમવારે, પીએમ મોદી જોર્ડનની રાજધાની અમ્માન પહોંચ્યા, જ્યાં હુસૈનિયા પેલેસમાં રાજા અબ્દુલ્લા દ્વિતીય બિન અલ હુસૈન દ્વારા તેમનું સ્વાગત કરવામાં આવ્યું. ત્યારબાદ દ્વિપક્ષીય વાતચીત થઈ. રાજા અબ્દુલ્લા બિન અલ હુસૈન સાથેની મુલાકાત દરમિયાન, પીએમ મોદીએ તેમની મિત્રતા અને ભારત પ્રત્યેની ઊંડી પ્રતિબદ્ધતા બદલ હૃદયપૂર્વક આભાર વ્યક્ત કર્યો.
કિંગ અબ્દુલ્લા બિન અલ હુસૈન સાથેની મુલાકાત દરમિયાન, પ્રધાનમંત્રી નરેન્દ્ર મોદીએ કહ્યું, ૨૦૧૮ માં મારી ભારત મુલાકાત દરમિયાન, અમે ઇસ્લામિક વારસા પર એક પરિષદમાં ભાગ લીધો હતો. મને ૨૦૧૫ માં યુએનમાં હિંસક ઉગ્રવાદનો સામનો કરવા પર કેન્દ્રિત એક કાર્યક્રમમાં અમારી પહેલી મુલાકાત યાદ છે. તે પછી પણ, તમે આ વિષય પર પ્રેરણાદાયક વાત કરી. મયસ્થતાને પ્રોત્સાહન આપવાના તમારા પ્રયાસો માત્ર પ્રાદેશિક શાંતિ માટે જ નહીં પરંતુ વૈશ્ર્વિક શાંતિ માટે પણ મહત્વપૂર્ણ છે. અમે આ દિશામાં સાથે મળીને નક્કર પગલાં લેવાનું ચાલુ રાખીશું. અમે અમારા સહયોગના અન્ય તમામ પાસાઓને વધુ મજબૂત બનાવીશું.કિંગ અબ્દુલ્લા બીજા બિન અલ હુસૈન સાથેની મુલાકાત દરમિયાન, પ્રધાનમંત્રી નરેન્દ્ર મોદીએ કહ્યું, તમે શરૂઆતથી જ ગાઝા મુદ્દા પર ખૂબ જ સક્રિય અને સકારાત્મક ભૂમિકા ભજવી છે. અમને બધાને આશા છે કે આ ક્ષેત્રમાં શાંતિ અને સ્થિરતા પ્રવર્તશે. આતંકવાદ સામે અમારું વલણ સુસંગત અને સ્પષ્ટ છે. તમારા નેતૃત્વ હેઠળ, જોર્ડને આતંકવાદ, ઉગ્રવાદ અને કટ્ટરવાદ સામે સમગ્ર માનવતાને એક મજબૂત અને વ્યૂહાત્મક સંદેશ મોકલ્યો છે.
પીએમ મોદીએ જોર્ડનના રાજા સાથેની વાતચીત દરમિયાન કહ્યું, મારા અને મારા પ્રતિનિધિમંડળના ઉષ્માભર્યા સ્વાગત બદલ હું હૃદયપૂર્વક આભાર વ્યક્ત કરું છું. તમે ભારત-જોર્ડન સંબંધોને નવી ઊંચાઈઓ પર લઈ જવા માટે ઘણા સકારાત્મક વિચારો શેર કર્યા છે. હું તમારી મિત્રતા અને ભારત પ્રત્યેની તમારી ઊંડી પ્રતિબદ્ધતા બદલ હૃદયપૂર્વક આભાર માનું છું. આ વર્ષે, ભારત અને જોર્ડન તેમના રાજદ્વારી સંબંધોની ૭૫મી વર્ષગાંઠની ઉજવણી કરી રહ્યા છે. આ સીમાચિહ્નરૂપ આપણને આવનારા ઘણા વર્ષો સુધી નવી ઉર્જા સાથે આગળ વધવા માટે પ્રેરણા આપશે. મને વિશ્ર્વાસ છે કે આજની બેઠક આપણા સંબંધોને નવી ગતિ અને ઊંડાણ આપશે. અમે વેપાર, ખાતરો, ડિજિટલ ટેકનોલોજી, માળખાગત સુવિધાઓ અને લોકો-થી-લોકોના આદાનપ્રદાન જેવા ક્ષેત્રોમાં સહયોગ કરીશું.
પીએમ નરેન્દ્ર મોદી સાથેની મુલાકાત દરમિયાન, જોર્ડનના રાજા અબ્દુલ્લા બીજા બિન અલ હુસૈને કહ્યું, મારું માનવું છે કે આ મુલાકાત આપણા બંને દેશો વચ્ચેના દાયકાઓની મિત્રતા, પરસ્પર આદર અને સહકારને પ્રતિબિંબિત કરે છે. આપણા દેશો મજબૂત ભાગીદારી અને આપણા લોકો માટે સમૃદ્ધિને આગળ વધારવાની સહિયારી ઇચ્છા ધરાવે છે. છેલ્લા કેટલાક વર્ષોમાં, આપણો સહયોગ ઘણા ક્ષેત્રોમાં વિસ્તર્યો છે. આજની તમારી મુલાકાત ઉદ્યોગ, આઇસીટી, ફાર્માસ્યુટિકલ્સ, કૃષિ, ઉર્જા અને આપણા લોકો માટે પરસ્પર લાભના અન્ય ઘણા ક્ષેત્રોમાં આથક સહયોગ માટે નવા માર્ગો બનાવવાની એક મહત્વપૂર્ણ તક પૂરી પાડે છે.
પીએમ નરેન્દ્ર મોદી સાથેની મુલાકાત દરમિયાન, રાજા અબ્દુલ્લા બીજા બિન અલ હુસૈને કહ્યું, અમે તમારી મુલાકાત દરમિયાન કરારો અને એમઓયુ પર હસ્તાક્ષરનું હાદક સ્વાગત કરીએ છીએ, કારણ કે તે આપણા સહયોગને આગળ વધારશે અને સહયોગ માટે નવા માર્ગો ખોલશે. અમે આવતીકાલે જોર્ડન-ભારત વ્યાપાર મંચની પણ આતુરતાથી રાહ જોઈ રહ્યા છીએ