પશ્ર્ચિમ બંગાળના મુખ્યમંત્રી મમતા બેનર્જીની મુશ્કેલીઓ વધી ગઈ છે. ઈડીએ તેમની વિરુદ્ધ સુપ્રીમ કોર્ટમાં રિટ અરજી દાખલ કરી છે. આ કેસ ઈડી ના ત્રણ અધિકારીઓ સામે ધાકધમકી અને ધમકીઓનો છે.
ઇડીએ કહ્યું કે આ અરજી કોલકાતામાં સર્ચ ઓપરેશન દરમિયાન ઈડ્ઢ અધિકારીઓને ખોટી રીતે રોકવા સામે છે. આ અરજી પશ્ર્ચિમ બંગાળ સરકાર અને મુખ્યમંત્રી વિરુદ્ધ દાખલ કરવામાં આવી છે. આ અરજી ત્રણ ઇડી અધિકારીઓ વતી દાખલ કરવામાં આવી છે જે ઓપરેશન દરમિયાન પશ્ર્ચિમ બંગાળમાં હતા.
કેન્દ્રીય તપાસ એજન્સી ઈડી દ્વારા દાખલ કરવામાં આવેલી અરજીમાં મમતા બેનર્જી અને અન્ય ઘણા લોકો સામે ગંભીર આરોપો છે. તેમાં કહેવામાં આવ્યું છે કે પશ્ર્ચિમ બંગાળના મુખ્યમંત્રી મમતા બેનર્જી અને ડીજીપીએ સર્ચમાં અવરોધ ઊભો કર્યો હતો. ૨,૭૪૨ કરોડના કોલસા કૌભાંડના સંદર્ભમાં ૮ જાન્યુઆરીએ કરવામાં આવેલી શોધમાં કથિત રીતે અવરોધ ઊભો કરવા બદલ પશ્ર્ચિમ બંગાળના મુખ્યમંત્રી મમતા બેનર્જી, ડીજીપી રાજીવ કુમાર અને સીપી મનોજ વર્મા સામે સીબીઆઇ એફઆઇઆર દાખલ કરવી જોઈએ અને તપાસ કરવી જોઈએ.
અરજીમાં જણાવાયું છે કે મુખ્યમંત્રી મમતા બેનર્જી અને ડીજીપી બળજબરીથી ઘૂસીને શોધમાં અવરોધ ઊભો કર્યો હતો. ટીએમસી સમર્થકોએ હાઈકોર્ટની કાર્યવાહીને હાઈજેક કરવાનો પ્રયાસ કર્યો હતો. હાઈકોર્ટની સુનાવણી પહેલાંં ટીએમસી સમર્થકોએ વોટ્સએપ ગ્રુપ દ્વારા આયોજનબદ્ધ હંગામો મચાવ્યો હતો. ૨,૭૪૨ કરોડના કોલસા કૌભાંડના સંદર્ભમાં ૮ જાન્યુઆરીએ કરવામાં આવેલી શોધમાં કથિત રીતે અવરોધ ઊભો કરવા બદલ પશ્ર્ચિમ બંગાળના મુખ્યમંત્રી મમતા બેનર્જી,ડીજીપી રાજીવ કુમાર અને સીપી મનોજ વર્મા સામે સીબીઆઇ એફઆઇઆર દાખલ કરવી જોઈએ અને તપાસ કરવી જોઈએ.
અરજીમાં જણાવાયું છે કે મુખ્યમંત્રી મમતા બેનર્જી, ૧૦૦ થી વધુ પોલીસ અધિકારીઓ સાથે, બપોરે ૧૨:૦૫ વાગ્યે પ્રતીક જૈનના નિવાસસ્થાને પ્રવેશ્યા અને ઈડી દ્વારા જપ્ત કરાયેલા લેપટોપ, મોબાઈલ ફોન અને દસ્તાવેજો બળજબરીથી લઈ ગયા, તેમને ટ્રકમાં ભરી દીધા.