દિલ્હીમાં વધતા વાયુ પ્રદૂષણને યાનમાં રાખીને, સરકારે બે મોટા નિર્ણયો લીધા છે. પ્રદૂષણને કારણે, દિલ્હીની તમામ સરકારી અને ખાનગી કચેરીઓમાં ૫૦% કર્મચારીઓ માટે ઘરેથી કામ ફરજિયાત કરવામાં આવ્યું છે. સરકારે આરોગ્યસંભાળ જેવી આવશ્યક સેવાઓને મુક્તિ આપી છે. સરકારે દિલ્હીમાં બાંધકામ કાર્ય સંપૂર્ણપણે બંધ કરી દીધું છે. અટકેલા બાંધકામ કાર્યથી પ્રભાવિત તમામ નોંધાયેલા અને ચકાસાયેલ બાંધકામ કામદારોના ખાતામાં ૧૦,૦૦૦ ટ્રાન્સફર કરવા સૂચના આપવામાં આવી છે.
દિલ્હી-એનસીઆરમાં વધતા વાયુ પ્રદૂષણને કારણે જીઆરએપી-૪ અમલમાં છે. દિલ્હી શ્રમ વિભાગે જણાવ્યું હતું કે ૧૮ ડિસેમ્બરથી, રાષ્ટ્રીય રાજધાનીમાં ઓફિસો અને વ્યવસાયિક સંસ્થાઓમાં ફક્ત ૫૦% હાજરીની મંજૂરી આપવામાં આવશે, બાકીના કર્મચારીઓ ઘરેથી કામ કરશે. ઓફિસોને પણ લવચીક કામકાજના કલાકો લાગુ કરવા કહેવામાં આવ્યું છે. જેલ, આરોગ્યસંભાળ, જાહેર પરિવહન, વીજળી અને અન્ય આવશ્યક વિભાગો સહિતની આવશ્યક સેવાઓને આ પ્રતિબંધોમાંથી મુક્તિ આપવામાં આવી છે.
શ્રમ વિભાગે એમ પણ જણાવ્યું હતું કે જીઆરએપી પ્રતિબંધોને કારણે બાંધકામ બંધના સમયગાળા દરમિયાન થયેલા કામના નુક્સાન માટે તમામ નોંધાયેલા બાંધકામ કામદારોને ૧૦,૦૦૦ વળતર મળશે. બુધવારે સવારે દિલ્હીની હવાની ગુણવત્તામાં થોડો સુધારો થયો હોવાથી આ જાહેરાત કરવામાં આવી છે. દિલ્હીનો એકંદર એકયુઆઇ ૩૨૮ નોંધાયો હતો, જે ખૂબ જ ખરાબ શ્રેણીમાં રહે છે.