ચીની ફાઇટર જેટ્સ અને નૌકાદળના જહાજોએ સતત બીજા દિવસે તાઇવાનના પ્રદેશમાં ઘૂસણખોરી કરી. તાઇવાનના સંરક્ષણ મંત્રાલયે એક નિવેદનમાં જણાવ્યું હતું કે ચીની ફાઇટર જેટ્સ અને છ નૌકાદળના જહાજોએ તાઇવાનના પ્રદેશનું ઉલ્લંઘન કર્યું છે. તાઇવાનના પ્રદેશમાં બે ચીની ફુગ્ગાઓ પણ જોવા મળ્યા હતા.
તાઇવાનના સંરક્ષણ મંત્રાલયે સોશિયલ મીડિયા પર શેર કરેલી પોસ્ટમાં જણાવ્યું હતું કે, આજે સવારે ૬ વાગ્યા સુધીમાં બે પીએલએ (પીપલ્સ લિબરેશન આર્મી) વિમાન અને છ ચીની નૌકાદળના જહાજો તાઇવાનની આસપાસ ઉડતા જોવા મળ્યા હતા. આ સમય દરમિયાન બે પીપલ્સ રિપબ્લિક ઓફ ચાઇનાના ફુગ્ગાઓ પણ જોવા મળ્યા હતા. તાઇવાનના સુરક્ષા દળોએ પરિસ્થિતિનું નિરીક્ષણ કર્યું અને પ્રતિક્રિયા આપી. ગુરુવારે અગાઉ, તાઇવાનના સંરક્ષણ મંત્રાલયે સવારે ૬ વાગ્યાની આસપાસ છ ચીની વિમાન અને આઠ નૌકાદળના જહાજો દેશના પ્રદેશ પર ઉડતા જોયા હતા.
તાઇવાનના સંરક્ષણ મંત્રાલય અનુસાર, ચીની ફાઇટર જેટ્સે બે વાર મય રેખા પાર કરી અને તાઇવાનના ઉત્તરીય અને દક્ષિણપશ્ર્ચિમ હવાઈ સંરક્ષણ ઓળખ ક્ષેત્રમાં પ્રવેશ કર્યો. દરમિયાન, મેઇનલેન્ડ અફેર્સ કાઉન્સિલે ચીન પર આંતરરાષ્ટ્રીય દમન અને રાજકીય ચાલાકીમાં સામેલ હોવાનો આરોપ મૂક્યો. આ આરોપો ચીનની જાહેર સુરક્ષા એજન્સી દ્વારા ચીનમાં દાણચોરીમાં સામેલ હોવાનો અને આ વર્ષની શરૂઆતમાં તેમના જહાજે દરિયાઈ કેબલ્સને નુક્સાન પહોંચાડ્યું હોવાનો દાવો કર્યા પછી આવ્યા છે.
જૂનમાં, તાઇવાનની એક કોર્ટે ટોગો-રજિસ્ટર્ડ જહાજ હોંગ તાઇ ૫૮ ના ચીની કેપ્ટનને ત્રણ વર્ષની જેલની સજા ફટકારી હતી. ફેબ્રુઆરીમાં તાઇવાન નજીક સમુદ્રી કેબલ્સને ઇરાદાપૂર્વક નુક્સાન પહોંચાડવાનો આરોપ મૂકવામાં આવ્યો હતો. જોકે, ચીને આ દાવાઓને ફગાવી દીધા હતા.