આ ડિસેમ્બરમાં, બાંગ્લાદેશમાં ચાર હિન્દુ નાગરિકોની ક્રૂર હત્યાઓએ લઘુમતીઓની સલામતી અંગે ગંભીર પ્રશ્ર્નો ઉભા કર્યા હતા. કેટલાકના ગળા કાપી નાખવામાં આવ્યા હતા, અન્યને માર મારવામાં આવ્યા હતા, અને અન્યમાં, ભય ફેલાવવા માટે મૃતદેહોને જાહેરમાં શેરીમાં લટકાવવામાં આવ્યા હતા. મૃતકોમાં અમૃત મંડલ, દીપુ દાસ, જોગેશ ચંદ્ર રોય અને સુબર્ણા રોયનો સમાવેશ થાય છે. આ ગુનાઓની પદ્ધતિઓ સ્થળ પ્રમાણે અલગ અલગ હતી, પરંતુ એક વાત સામાન્ય હતી: મૃતકની ધામક ઓળખ.
અહેવાલો અનુસાર, ૭ ડિસેમ્બરે જોગેશ ચંદ્ર રોયની ક્રૂરતાથી હત્યા કરવામાં આવી હતી. તેમનું ગળું કાપી નાખવાના સમાચારથી સમગ્ર વિસ્તારમાં ભય ફેલાયો હતો. જોગેશ સાથે તેમની પત્ની સુબર્ણા રોયની પણ હત્યા કરવામાં આવી હતી. બાંગ્લાદેશના રંગપુરમાં તેમના ઘરની અંદરથી તેમના મૃતદેહ મળી આવ્યા હતા, તેમના ગળું કાપીને. જોગેશ ચંદ્ર રોય મુક્તિજોધ હતા. જોગેશ ચંદ્ર રોય ૭૫ વર્ષના હતા અને સુબર્ણા રોય ૬૦ વર્ષના હતા.
દીપુ દાસની હત્યા સૌથી ભયાનક હતી. ૧૮ ડિસેમ્બરે, બાંગ્લાદેશના મૈમનસિંહમાં, એક ઉન્મત્ત ટોળાએ દીપુ પર નિંદાનો આરોપ લગાવીને તેને તેની ફેક્ટરીમાંથી લઈ જઈને માર માર્યો હતો. ત્યારબાદ તેમના મૃતદેહને જાહેરમાં રસ્તા પર ગળામાં ફાંસો બાંધીને લટકાવી દેવામાં આવ્યો. ત્યારબાદ તોફાનીઓએ તેમના શરીરને જૂતા અને ચંપલથી માર માર્યો. અંતે, તેઓએ તેને આગ ચાંપી દીધી.
ચોથો અને સૌથી તાજેતરનો કેસ અમૃત મંડળની હત્યાનો છે. પ્રારંભિક માહિતી અનુસાર, ૨૪ ડિસેમ્બરની મોડી રાત્રે તેમના પર અચાનક હુમલો કરવામાં આવ્યો હતો, જેના કારણે તેમને બચવાનો કોઈ મોકો મળ્યો ન હતો. ટોળાએ તેમના પર હુમલો કર્યો અને તેમને ગંભીર રીતે માર માર્યો. બાદમાં તેમને હોસ્પિટલમાં દાખલ કરવામાં આવ્યા હતા પરંતુ ૨૫ ડિસેમ્બરના રોજ સવારે ૨ વાગ્યે સારવાર દરમિયાન તેમનું મૃત્યુ થયું. આ ઘટના બાંગ્લાદેશના રાજબારીમાં બની હતી.