કેન્દ્રીય ગૃહમંત્રી અમિત શાહે મંગળવારે કહ્યું કે ભારતીય જનતા પાર્ટી (ભાજપ) પશ્ચિમ બંગાળને વિભાજીત કર્યા વિના દાર્જિલિંગ પર્વતોમાં રહેતા ગોરખા સમુદાયના મુદ્દાને બંધારણીય રીતે ઉકેલીશું. ઉત્તર બંગાળના દક્ષિણ દિનાજપુર જિલ્લાના ગંગારામપુરમાં એક ચૂંટણી રેલીને સંબોધતા અમિત શાહે આરોપ લગાવ્યો કે આમ જનતા ઉન્નયન પાર્ટીના સ્થાપક હુમાયુ કબીર મુખ્યમંત્રી અને તૃણમૂલ કોંગ્રેસના સુપ્રીમો મમતા બેનર્જીના “એજન્ટ” છે અને તેમની સંમતિથી બાબરી મસ્જિદની તર્જ પર મુર્શિદાબાદમાં મસ્જિદ બનાવી રહ્યા છે.
તેમણે કહ્યું, “ભાજપ મસ્જિદના નિર્માણને મંજૂરી આપશે નહીં.” શાહે વચન આપ્યું હતું કે પશ્ચિમ બંગાળને અન્ય રાજ્યોમાં બટાકા સપ્લાય કરવાની મંજૂરી આપવામાં આવશે જેથી અહીંના ખેડૂતોને તેમના ઉત્પાદન માટે યોગ્ય ભાવ મળી શકે. તેમણે કહ્યું, “જા ભાજપ સરકાર બનાવે છે, તો પશ્ચિમ બંગાળમાં રાજકીય હિંસા અને સિન્ડીકેટ શાસન દૂર કરવામાં આવશે, અને ઘુસણખોરોને હાંકી કાઢવામાં આવશે.”
શાહે પાર્ટીના મેનિફેસ્ટોમાં આપેલા વચનોનો પણ પુનરોચ્ચાર કર્યોઃ ઓલ ઇન્ડિયા ઇન્સ્ટીટયુટ ઓફ મેડિકલ સાયન્સીસ , ૬૦૦ બેડની કેન્સર હોસ્પિટલ , ઇન્ડિયન ઇન્સ્ટીટયુટ ઓફ ટેકનોલોજી, ઇન્ડિયન ઇન્સ્ટીટયુટ ઓફ મેનેજમેન્ટ અને ઉત્તર બંગાળમાં એક સ્પોર્ટ્સ યુનિવર્સિટીની સ્થાપના. તેમણે કહ્યું કે રાજવંશી ભાષાને બંધારણની આઠમી અનુસૂચિમાં સમાવવામાં આવશે અને દાર્જિલિંગમાં એક પર્યાવરણને અનુકૂળ સાહસિક રમતગમત કેન્દ્ર સ્થાપિત કરવામાં આવશે.