ભારતમાં અમેરિકાના રાજદૂત અને દક્ષિણ અને મધ્ય એશિયા માટેના ખાસ દૂત સર્જિયો ગોર, શનિવારે મુંબઈના વાનખેડે સ્ટેડિયમમાં ભારત અને અમેરિકા વચ્ચેની ટી ૨૦ વર્લ્ડ કપ મેચમાં હાજર હતા. ગોરે ઇન્ટરનેશનલ ક્રિકેટ કાઉન્સિલ (આઇસીસી) ના પ્રમુખ જય શાહ સાથે મુલાકાત કરતા પહેલા શાનદાર ઉદઘાટન સમારોહ અને આતશબાજીનો આનંદ માણ્યો. ભારતના ભૂતપૂર્વ કેપ્ટન અને આ સિઝનના ટી ૨૦ વર્લ્ડ કપના બ્રાન્ડ એમ્બેસેડર રોહિત શર્મા પણ હાજર રહ્યા હતા.
અગાઉ, ગોરે ઇન્સ્ટાગ્રામ પર લખ્યું હતું કે, “હું ટી ૨૦ વર્લ્ડ કપ મેચ માટે મુંબઈ પહોંચ્યો છું. યુએસ ટીમ માટે મોટો દિવસ. યુએસ ટીમને શુભકામનાઓ.” રાષ્ટ્રગીત દરમિયાન, ગોરે જય શાહની બાજુમાં ઊભા રહીને શ્રદ્ધાંજલિ આપી, અને તરત જ યુએસ ખેલાડીઓને મળ્યા. ભારત અને યુએસ વચ્ચેની આ માત્ર બીજી ટી ૨૦ આંતરરાષ્ટ્રીય મેચ હતી. ભારતે ૨૦૨૪ ટી ૨૦ વર્લ્ડ કપમાં બંને ટીમો વચ્ચેની પહેલી મેચ સાત વિકેટથી જીતી હતી. ભારત અને યુએસ ગ્રુપ છ માં છે, જેમાં નામિબિયા, નેધરલેન્ડ અને પાકિસ્તાન પણ શામેલ છે.
ભારતે ટી ૨૦ વર્લ્ડ કપ ૨૦૨૬ ની પોતાની પહેલી મેચમાં યુએસને ૨૯ રનથી હરાવીને મજબૂત શરૂઆત કરી. શનિવારે વાનખેડે સ્ટેડિયમ ખાતે રમાયેલી ગ્રુપ મેચમાં ટોસ હારીને પહેલા બેટિંગ કરવાનો નિર્ણય લીધા બાદ, ભારતીય ટીમે સૂર્યકુમાર યાદવના અણનમ ૮૪ રનની મદદથી ૨૦ ઓવરમાં નવ વિકેટે ૧૬૧ રન બનાવ્યા હતા. જવાબમાં, યુએસએ નિર્ધારિત ઓવરમાં આઠ વિકેટ ગુમાવીને ફક્ત ૧૩૨ રન જ બનાવી શકયું હતું, જેના કારણે મેચ હારી ગઈ હતી.
યુએસએ ટોસ જીતીને પ્રથમ ફિલ્ડિંગ કરવાનો નિર્ણય લીધો. એવું લાગતું હતું કે ભારત ટી ૨૦ વર્લ્ડ કપની પોતાની પહેલી મેચમાં રનનો પહાડ બનાવશે, પરંતુ તેમને શઆતથી જ ઝટકો લાગ્યો. અભિષેક શર્મા અને શિવમ દૃુબે ખાતું ખોલ્યા વિના આઉટ થઈ ગયા, જ્યારે િંરકુ િંસહ, હાર્દિૃક પંડ્યા અને અક્ષર પટેલ જેવા ખેલાડીઓ સસ્તામાં આઉટ થઈ ગયા. ઈશાન કિશન અને તિલક વર્માએ સારી બેિંટગ કરી, પરંતુ તેને મોટી ઇિંનગમાં પાંતરિત કરી શક્યા નહીં. સૂર્યકુમારે એક છેડે મજબૂતીથી પકડી રાખી, અંત સુધી અણનમ રહૃાા. તેમણે ૪૯ બોલમાં ૧૦ ચોગ્ગા અને ચાર છગ્ગા ફટકારીને અણનમ ૮૪ રન બનાવ્યા.