મોરબીમાં ગેરકાયદે પ્રવૃત્તિઓ અને દારૂના વેચાણ સામે પોલીસે કાર્યવાહી વધુ કડક કરી હોવાનું જણાવાયું છે. મોરબી તાલુકા પોલીસનો સ્ટાફ તાજેતરમાં પેટ્રોલિંગમાં હતો.બાતમીના આધારે તળાવિયા શનાળા રોડથી પીપળી તરફ જતા માર્ગે વોચ ગોઠવાઈ હતી. એ દરમિયાન શંકાસ્પદ રીતે પસાર થતી ઈકો કારને રોકીને તલાશી લેવાઈ, તો તેમાંથી મોટા પ્રમાણમાં વિદેશી દારૂ મળ્યો.તપાસમાં કારમાંથી વિદેશી અંગ્રેજી દારૂની બોટલો મળી હતી.
પોલીસે રૂ. ૧,૯૪,૦૦૦ની કિંમતનો અંગ્રેજી દારૂ અને હેરાફેરીમાં વપરાયેલી કાર જપ્ત કરી છે. બંને મળીને કુલ રૂ. ૪,૦૯,૦૦૦નો મુદ્દામાલ થાય છે.આ કેસમાં પોલીસે ધર્મેન્દ્ર ઉર્ફે કાનો ડાયાભાઈ નામના આરોપીની ધરપકડ કરી કાયદેસરની કાર્યવાહી શરૂ કરી છે. પૂછપરછમાં આ નેટવર્કના બીજા તાર પણ સામે આવ્યાનું કહેવાય છે. પ્રાથમિક તપાસ મુજબ દારૂ મોકલનાર, મંગાવનાર અને નેટવર્ક
સાથે સંકળાયેલા અન્ય શખ્સો સહિત કુલ ચાર આરોપી સામે મોરબીના તાલુકા પોલીસ સ્ટેશનમાં પ્રોહિબિશન એક્ટ હેઠળ ગુનો દાખલ થયો છે.ફરાર બાકીના આરોપીઓને પકડવા માટે પોલીસે પ્રયાસો તેજ કર્યા છે.