ઈરાન અને અમેરિકા વચ્ચે યુદ્ધ હજુ પણ ચાલુ છે. બંને બાજુથી હવાઈ હુમલા કરવામાં આવી રહ્યા છે. હોર્મુઝ સ્ટ્રેટ ઘણા મહિનાઓથી બંધ છે. જોકે,બંને દેશો વચ્ચે શાંતિ મંત્રણાને અંતિમ સ્વરૂપ આપવામાં આવ્યું છે. લાંબા સમયથી ચાલી રહેલા આ યુદ્ધનો અંત આવી રહ્યો છે. દરમિયાન, ઈરાની અધિકારીઓએ દિવંગત સર્વોચ્ચ નેતા આયાતુલ્લાહ અલી ખામેનીના વિદાય સમારંભ, સરઘસ અને અંતિમ સંસ્કારની તારીખો જાહેર કરી છે.
ઈરાનની ફાર્સ ન્યૂઝ એજન્સી અનુસાર, દિવંગત ખામેનીનો અંતિમ વિદાય સમારંભ ૪ અને ૫ જુલાઈના રોજ તેહરાનમાં ઇમામ ખોમેની દરગાહ ખાતે યોજાશે. ૬ જુલાઈના રોજ તેહરાનમાં પણ એક સરઘસ કાઢવામાં આવશે. ત્યારબાદ ૭ જુલાઈએ પવિત્ર શહેર કોમમાં અને ૯ જુલાઈએ મશહદમાં સમારોહ યોજાશે. આયાતુલ્લાહ અલી ખામેનીના પાર્થિવ શરીરને મશહદમાં ઇમામ રેઝા દરગાહ ખાતે દફનાવવામાં આવશે.
એ નોંધવું જાઈએ કે ઈરાનના ભૂતપૂર્વ સુપ્રીમ લીડર અલી ખામેનીનું ૨૮ ફેબ્રુઆરી, ૨૦૨૬ ના રોજ અવસાન થયું હતું. ઈરાન પર યુએસ-ઇઝરાયલી સંયુક્ત હવાઈ હુમલામાં ખામેની અને અન્ય ઘણા વરિષ્ઠ ઈરાની નેતાઓ માર્યા ગયા હતા. ખામેનીના મૃત્યુ બાદ, તેમના પુત્ર, મોજતબા ખામેની, ઈરાનના નવા સુપ્રીમ લીડર તરીકે ચૂંટાયા હતા.
બીજી તરફ, ઈરાનના ટોચના વાટાઘાટકાર અને સંસદના અધ્યક્ષ, મોહમ્મદ બાઘર ગાલિબાફે યુદ્ધની વર્ષગાંઠ પર ગયા વર્ષના ૧૨ દિવસના યુદ્ધમાં માર્યા ગયેલા લોકોને શ્રદ્ધાંજલિ અર્પણ કરી. તેમણે યુએસ અને ઇઝરાયલી દબાણનો પ્રતિકાર ચાલુ રાખવાની પણ પ્રતિજ્ઞા લીધી.
ઈરાન અને અમેરિકા-ઈઝરાયલ વચ્ચેના સંઘર્ષની શરૂઆતની એક વર્ષની વર્ષગાંઠ નિમિત્તે, તેહરાનના ટોચના વાટાઘાટકાર અને સંસદના અધ્યક્ષ, મોહમ્મદ બાઘર ગાલિબાફે, યુદ્ધ દરમિયાન અમેરિકા અને ઈઝરાયલ પર નાગરિકો અને બાળકોને નિશાન બનાવવાનો આરોપ લગાવ્યો. સોશિયલ મીડિયા પ્લેટફોર્મ ઠ પર એક પોસ્ટમાં, તેમણે કહ્યું, “ઈઝરાયલી અને અમેરિકન શાસન દ્વારા આપણા શાશ્વત ઘર, ઈરાન પર ગુનાહિત હુમલાઓનો પ્રથમ રાઉન્ડ શરૂ કર્યાને એક વર્ષ વીતી ગયું છે. તેઓએ નિર્દોષ બાળકોની હત્યા કરી અને કોઈપણ ગુના અથવા ક્રૂરતાથી દૂર રહ્યા.”
ગાલિબાફે કહ્યું કે દેશ “ગૌરવના અંત સુધી” અને “અંતિમ વિજય સુધી” દૃઢ રહેશે. ૧૨-દિવસીય યુદ્ધના વીર અને પીડિત શહીદોથી પ્રેરિત થઈને, આપણે આપણા પ્રિય ઈરાનના ગૌરવ અને અંતિમ વિજય માટે અંત સુધી દૃઢ રહીશું.