દાહોદ અનાજ મહાજન સાર્વજનિક એજ્યુકેશન સોસાયટી સંચાલિત આર એન્ડ એલ પંડ્યા હાઈસ્કુલ અને એસ.એમ. કુંદાવાલા હાયર સેક્ધડરી સ્કુલ સમગ્ર વર્ષ દરમિયાન અભ્યાસિક અને સહ અભ્યાસિક પ્રવૃત્તિ માં ઉત્તમ દેખાવ કરનાર વિદ્યાર્થીઓને સન્માનિત કરવાનો અવસર એટલે વાર્ષિક ઇનામ વિતરણ સમારોહ તારીખ ૨૯-૦૧- ૨૦૨૬ ના રોજ સવારે ૮:૩૦ કલાકે દાદરવાલા સભાખંડમાં યોજાયો હતો. જેમાં મુખ્ય મહેમાન તરીકે શાળાના ભૂતપૂર્વ વિદ્યાર્થી અને હાલના દાહોદ નગરપાલિકા ચીફ ઓફિસર દિપસિંહ હઠીલા અને અતિથિ વિશેષ તરીકે નિવૃત્ત શાળા પરિવારના સભ્ય અલ્કેશભાઇ શેઠ અને સત્રાંત નિવૃત્ત થતા શાળા પરિવારના દિપકકુમાર આર દવે ઉપસ્થિતિ રહ્યા હતા. દીપ પ્રાગટ્ય થી કાર્યક્રમની શઆત કરવામાં આવી. ત્યારબાદ શાળાની બાલિકાઓ દ્વારા પ્રાર્થના કરવામાં આવી. શાળાના આચાર્યા એન એન પટેલ દ્વારા પરિચય અને શાબ્દિક સ્વાગત પ્રવચન કરવામાં આવ્યું. ત્યારબાદ મહેમાનઓનું પુષ્પગુચ્છ અને પુસ્તક દ્વારા સન્માન કરવામાં આવ્યું. .સર્વતોમુખી પ્રતિભા એવોર્ડ મેળવતા માધ્યમિક માંથી બે વિદ્યાર્થીઓ અને ઉચ્ચતર માધ્યમિક માંથી બે વિદ્યાર્થીઓને મુખ્ય મહેમાન દિપસિંહ હઠીલાના હસ્તે મોમેન્ટો, સર્ટિફિકેટ અને કવર આપી સન્માનિત કર્યા હતા અને પ્રેરક ઉદબોદન કર્યું હતું. સમગ્ર કાર્યક્રમનુ ખૂબ જ સુંદર રીતે સંચાલન પ્રતીક્ષાબેન પંચાલ દ્વારા કરવામાં આવ્યું. મુખ્ય મહેમાન નગરપાલિકા ચીફ ઓફિસર દિપસિંહ હઠીલા દ્વારા રૂ. ૨૧,૦૦૦ અને અલ્કેશભાઇ શેઠ દ્વારા ૧૧,૦૦૦ નુ ંદાન શાળાને આપવામાં આવ્યુ હતું. શાળાના સુપરવાઇઝર કે.ડી.લિમ્બાચીયા દ્વારા સંસ્થા અને શાળા પરિવાર વતી બંને મહાનુભવોનો ખુબ ખુબ આભાર માન્યો હતો. આ પ્રસંગે એમ.ટી.એ. અને પી.ટી.એ.ના હોદ્દેદારો અને સભ્યો તેમજ વાલીઓ અને ખૂબ મોટી સંખ્યામાં વિદ્યાર્થીઓ ઉપસ્થિત રહ્યા હતા.શાળાના કુલ ૨૩૭ વિદ્યાર્થીઓએ ઇનામને પાત્ર થઈ સન્માનિત થયા હતા. સમગ્ર કાર્યક્રમને અંતે આભાર વિધિ ઉમંગભાઇ દરજી કરી હતી.