ભારતીય અવકાશ સંશોધન સંગઠનએ ૨૦૨૬ ના તેના પ્રથમ પ્રક્ષેપણની જાહેરાત કરી છે.ઇસરોનું આ વર્ષનું પ્રથમ પ્રક્ષેપણ મિશન,પીએસએસવી સી૬૨-ઇઓએસ-એન-૧ સોમવાર, ૧૨ જાન્યુઆરી (સોમવાર) સવારે ૧૦:૧૭ વાગ્યે સુનિશ્ર્ચિત થયેલ છે. આ મિશન પૃથ્વી દેખરેખ ઉપગ્રહ ઇઓએસ એન ૧ ને તેના પ્રાથમિક પેલોડ તરીકે, ૧૫ સહ-મુસાફર ઉપગ્રહો સાથે લઈ જશે.
માહિતી અનુસાર,પીએસએલવી ડીએલ વેરિઅન્ટનો ઉપયોગ કરીને આ ૬૪મી પીએસએલવી લાઇટ, પેલોડને ૫૦૫ કિમી સૂર્ય-સમન્વય ભ્રમણકક્ષામાં મૂકશે. શ્રીહરિકોટા લોન્ચ સેન્ટર ખાતે લોન્ચ પેડ ૧ પર વાહન એકીકરણ પૂર્ણ થઈ ગયું છે, અને પ્રક્ષેપણ પહેલાંની તપાસ ચાલી રહી છે. નોંધનીય છે કે પીએસએલવી સી૬૧ મિશન ગયા વર્ષે મે મહિનામાં નિષ્ફળ ગયું હતું. આ મિશનનો સમયગાળો આશરે ૧ કલાક ૪૮ મિનિટનો હશે.
૧૨ જાન્યુઆરીએ ઇસરો દ્વારા લોન્ચ કરવામાં આવનાર મુખ્ય ઉપગ્રહોની યાદી પણ જાહેર કરવામાં આવી છે.
૧. ઇઓએસ એન-૧ (અન્વેષા):ડીઆરડીઆએ માટે બનાવેલ ૪૦૦ કિલોગ્રામ હાઇપરસ્પેક્ટ્રલ ઇમેજિંગ સેટેલાઇટ, જે સંરક્ષણ દેખરેખ, કૃષિ, શહેરી મેપિંગ અને પર્યાવરણીય ટ્રેકિંગ માટે ૧૨ મીટર રિઝોલ્યુશન પ્રદાન કરે છે. ૨.કેઆઇડી (કેસ્ટ્રેલ ઇનિશિયલ ટેકનોલોજી ડેમોન્સ્ટ્રેટર): સ્પેનિશ સ્ટાર્ટઅપમાંથી ૨૫ કિલોગ્રામ રિ-એન્ટ્રી પ્રોટોટાઇપ. અંતિમ જમાવટ પછી, દક્ષિણ પેસિફિક મહાસાગરમાં રિ-એન્ટ્રી માટે સ્પ્લેશડાઉનનો પ્રયાસ કરવામાં આવશે.
૩. અન્ય ઉપગ્રહો*: ભારત, મોરેશિયસ, લક્ઝમબર્ગ,યુએઈ, સિંગાપોર, યુરોપ અને યુનાઇટેડ સ્ટેટ્સના વાણિજ્યિક અને સંશોધન ઉપગ્રહો આ લોન્ચ મિશનનો ભાગ હશે.
પીએસએલવી રોકેટને ઇસરોના વર્કહોર્સ તરીકે પણ ઓળખવામાં આવે છે. અગાઉ,પીએસએલવીએ ચંદ્રયાન-૧, માર્સ ઓબટર મિશન અને આદિત્ય-એલ ૧ સહિત ૬૩ મિશન સફળતાપૂર્વક લોન્ચ કર્યા છે.પીએસએલવી ૨૦૧૭ માં એક જ મિશનમાં ૧૦૪ ઉપગ્રહો લોન્ચ કરીને વિશ્ર્વ રેકોર્ડ બનાવવાનો ગૌરવ પણ ધરાવે છે.