વૈભવ સૂર્યવંશીનું નામ હાલમાં દરેકના હોઠ પર છે. આ ૧૫ વર્ષના ખેલાડીએ આઇપીએલમાં એવી ધમાલ મચાવી હતી કે ઘણા રેકોર્ડ તૂટી ગયા હતા. વૈભવ સૂર્યવંશીએ દરેક મેચમાં કંઈક નોંધપાત્ર સિદ્ધિ મેળવી હોવાથી, ભારતીય ટીમમાં તેના સમાવેશની માંગણીઓ સતત વધી રહી છે. હવે, ટીમ ઈન્ડીયાના ભૂતપૂર્વ કેપ્ટન સૌરવ ગાંગુલીએ વૈભવ સૂર્યવંશી અંગે એક મહત્વપૂર્ણ નિવેદન આપ્યું છે.
એક અંગ્રેજી અખબાર સાથેની એક મુલાકાતમાં, ગાંગુલીએ વૈભવ સૂર્યવંશીની પ્રશંસા કરી અને સ્થાનિક સ્તરે સારું પ્રદર્શન કરનારા અન્ય ખેલાડીઓની પસંદગી પર પણ પોતાનો અભિપ્રાય વ્યક્ત કર્યો. બિહારના યુવા બેટ્સમેન વૈભવ સૂર્યવંશી અંગે, ગાંગુલીએ સ્પષ્ટપણે કહ્યું કે તેની પાસે પ્રતિભાની કોઈ કમી નથી, પરંતુ તેણે ટેસ્ટ ક્રિકેટ માટે થોડી રાહ જાવી પડશે.
ગાંગુલીના શબ્દોમાં, “તેને તાત્કાલિક ટી ૨૦ ટીમમાં સમાવેશ થવો જાઈએ, પરંતુ ટેસ્ટ ક્રિકેટ માટે નહીં. ટેસ્ટ ક્રિકેટમાં સ્થાન મેળવવા માટે, તેણે સ્થાનિક ફર્સ્ટ-ક્લાસ ક્રિકેટમાં વધુ રન બનાવવાની જરૂર પડશે. જા કે, તે હાલમાં અત્યંત પ્રતિભાશાળી છે. ૧૫ વર્ષના છોકરાને વિશ્વના શ્રેષ્ઠ બોલરો સામે આ રીતે બેટિંગ કરતા જાવું અદ્ભુત છે. તે ભારતનું ભવિષ્ય છે.”
ઇન્ટરવ્યૂ દરમિયાન, જ્યારે ગાંગુલીને રણજી ટ્રોફીમાં શાનદાર પ્રદર્શન કરનારા આકિબ નબીની બાદબાકી અને પ્રિન્સ યાદવને ટીમમાં સામેલ કરવા વિશે પૂછવામાં આવ્યું, ત્યારે તેમણે બંનેનો પક્ષ લીધો. ભૂતપૂર્વ કેપ્ટને પસંદગીકારોના નિર્ણયને ટેકો આપતા કહ્યું, “આકિબ નબી ટીમમાં હોવો જાઈતો હતો. તેણે રણજી ટ્રોફીમાં શાનદાર બોલિંગ કરી હતી. પરંતુ પ્રિન્સ યાદવ અત્યંત પ્રતિભાશાળી પણ છે અને તેની પાસે જબરદસ્ત ગતિ છે. મને લાગે છે કે પસંદગીકારોએ પ્રિન્સને તક આપીને ખૂબ સારું કામ કર્યું છે કારણ કે જ્યારે તમારી પાસે ગતિ હોય છે, ત્યારે તમે તેને ફક્ત પ્રથમ-વર્ગના ક્રિકેટ સુધી મર્યાદિત રાખતા નથી. મારા મતે, આ બંને ખેલાડીઓને ટીમમાં પસંદ કરવા જાઈતા હતા.”