તેલુગુ દેશમ પાર્ટી (ટીડીપી) એ તેની સૌથી મોટી બેઠક, મહાનડુમાં જાહેરાત કરી કે ટીડીપી મહિલાઓને ૩૩% બેઠકો આપશે. ટીડીપીના કાર્યકારી પ્રમુખ અને મંત્રી નારા લોકેશે ૨૦૨૯ ની ચૂંટણી માટે ટીડીપીમાં મહિલાઓ માટે ૩૩% અનામતનો પ્રસ્તાવ મૂક્યો.
નારા લોકેશે કહ્યું કે ટીડીપીએ રાજકારણમાં મહિલાઓની વ્યાપક ભાગીદારી સાથે એક નવા રાજકીય યુગનો સંકેત આપ્યો છે. દેશમાં ઐતિહાસિક અને પ્રથમ પ્રકારની રાજકીય જાહેરાત કરતા, તેલુગુ દેશમ પાર્ટીના કાર્યકારી પ્રમુખ નારા લોકેશે મહાનડુ ૨૦૨૬ ના પહેલા દિવસે, ૨૦૨૯ ની સામાન્ય ચૂંટણીઓ માટે પાર્ટીમાં મહિલાઓ માટે ૩૩% અનામતનો પ્રસ્તાવ મૂક્યો.
આ વર્ષના મહાનડુની થીમ ” સ્ત્રી શક્તી” હોવાથી, આ જાહેરાતને ભારતીય રાજકારણમાં મહિલા નેતૃત્વ અને લિંગ સમાનતા પ્રત્યેની મુખ્ય રાજકીય અને વૈચારિક પ્રતિબદ્ધતા તરીકે જાવામાં આવી રહી છે.
આ દરખાસ્ત એવા સમયે આવી છે જ્યારે મહિલા અનામત બિલ હજુ પણ સંસદમાં રાજકીય અવરોધો અને વિપક્ષના વિરોધનો સામનો કરી રહ્યું છે. ટીડીપીના આ પગલાને રાષ્ટ્રીય રાજકીય સર્વસંમતિની રાહ જાવાને બદલે ઉદાહરણ દ્વારા નેતૃત્વ કરવાના પ્રયાસ તરીકે જાવામાં આવી રહ્યું છે.
પાર્ટીએ તાજેતરમાં તેના સંગઠનાત્મક માળખામાં મહિલાઓનું પ્રતિનિધિત્વ પણ વધાર્યું છે, જેમાં સાંસદ બાયરેડી શબરીને પાર્ટીના પ્રથમ મહિલા રાષ્ટ્રીય મહાસચિવ તરીકે નિયુક્ત કરવામાં આવ્યા છે. આ પગલાને મહિલા નેતૃત્વને મજબૂત બનાવવા માટે પાર્ટીની વ્યાપક પહેલના ભાગ રૂપે વ્યાપકપણે જાવામાં આવે છે.