દેશમાં વકફ મિલક્તો પર ચાલી રહેલા હોબાળા વચ્ચે, જમ્મુ અને કાશ્મીરના ભૂતપૂર્વ મુખ્યમંત્રી મહેબૂબા મુફતીએ એક મોટો દાવો કર્યો છે. તેમણે કહ્યું છે કે જમ્મુ અને કાશ્મીરમાં ૭,૦૦૦ વકફ મિલક્તો જપ્ત કરવામાં આવી છે. મહેબૂબા મુફતીએ આને મુસ્લિમો વિરુદ્ધનું પગલું ગણાવ્યું છે. પીપલ્સ ડેમોક્રેટિક પાર્ટી (પીડીપી)ના વડા મહેબૂબા મુફતીએ કહ્યું હતું કે જમ્મુ અને કાશ્મીરમાં માત્ર એક વર્ષમાં ૭,૦૦૦ થી વધુ નોંધાયેલ વકફ મિલક્તો ખોવાઈ ગઈ છે. તેમણે આને મુસ્લિમો વિરુદ્ધનો તાજેતરનો હુમલો ગણાવ્યો હતો. પીડીપીના વડાએ સોશિયલ મીડિયા પ્લેટફોર્મ “એકસ” પર જણાવ્યું હતું કે દેશભરમાં ૩૫૫,૦૦૦ થી વધુ વકફ મિલક્તોનો કોઈ રેકોર્ડ નથી, જ્યારે ફક્ત જમ્મુ અને કાશ્મીરમાં જ “ઉમીદ” ડેટાબેઝમાંથી ૭,૨૪૦ એન્ટ્રીઓ ગુમ છે. આ વિસંગતતા વકફ મિલક્તોની પારદશતા અને સુરક્ષા અંગે ગંભીર પ્રશ્ર્નો ઉભા કરે છે.
મહેબૂબા મુફતીએ કહ્યું કે હિંસા, તોડફોડ અને મતાધિકાર છીનવી લેવાની શ્રેણી વચ્ચે, વકફ જમીનનું ધોવાણ મુસ્લિમો વિરુદ્ધનું પગલું લાગે છે. આ ક્યારે બંધ થશે? જમ્મુ અને કાશ્મીરના ભૂતપૂર્વ મુખ્યમંત્રી મહેબૂબામુફતીએ પણ ૭ ડિસેમ્બર સુધી દેશભરમાં નોંધાયેલ વકફ મિલક્તોનો ડેટા શેર કર્યો હતો. મુતી દ્વારા શેર કરાયેલા ડેટા અનુસાર, ૯ ડિસેમ્બર, ૨૦૨૪ ના રોજ જમ્મુ અને કાશ્મીરમાં ૩૨,૫૩૩ નોંધાયેલ વકફ મિલક્તો હતી, જે આ વર્ષે ૭ ડિસેમ્બરના રોજ ઘટીને ૨૫,૨૯૩ થઈ ગઈ, એટલે કે રેકોર્ડમાંથી અચાનક ૭,૨૪૦ એન્ટ્રીઓ દૂર કરવામાં આવી. મહેબૂબામુફતીએ તેમના સત્તાવાર ‘એકસ’ હેન્ડલ દ્વારા આ આંકડા શેર કર્યા, ગંભીર ચિંતા વ્યક્ત કરી.
મહેબૂબા મુફતી દ્વારા શેર કરાયેલા ટેબલ અનુસાર, ૨૦૨૪ માં દેશભરમાં વકફ મિલક્તોની કુલ સંખ્યા ૮૭૨,૩૫૨ હતી, જ્યારે ૭ ડિસેમ્બર, ૨૦૨૫ સુધીમાં, આ સંખ્યા ઘટીને ૫૧૭,૦૪૦ થઈ ગઈ હતી, એટલે કે રાષ્ટ્રીય સ્તરે રેકોર્ડમાંથી ૩.૫૫ લાખથી વધુ મિલક્તો ગાયબ છે. તેણીએ કહ્યું કે વકફ મિલક્તોની સુરક્ષા અને પારદશતા અંગે પહેલાથી જ પ્રશ્ર્નો છે, અને રેકોર્ડમાંથી આટલી મોટી સંખ્યામાં મિલક્તોનું ગાયબ થવું અત્યંત ચિંતાજનક છે. મુસ્લિમ સમુદાયના હિંસા, વંસ અને હાંસિયામાં ધકેલાઈ જવા વચ્ચે વકફ જમીનનું ધોવાણ બીજા મોટા ફટકા જેવું લાગે છે. આ બધું ક્યાં સમાપ્ત થશે? મહેબૂબા મુતીએ આ સમગ્ર મુદ્દા પર સરકાર પાસેથી સ્પષ્ટ જવાબ અને સંપૂર્ણ તપાસની માંગ કરી છે.