મોગામાં, કેકેએમ ચેપ્ટર પંજાબ સાથે જાડાયેલા આઠ અલગ અલગ ખેડૂત જૂથોએ મહેશ્વરી સંધુયા ગામમાં રેલ્વે ટ્રેક પર ધરણા કરીને પંજાબ સરકાર સામે વિરોધ પ્રદર્શન કર્યું. ખેડૂતોને રેલ્વે ટ્રેક પર પહોંચતા અટકાવવા માટે મોટી પોલીસ ફોર્સ તૈનાત કરવામાં આવી હતી. પોલીસે તેમને રોકવાનો પ્રયાસ કર્યો, પરંતુ તેઓ પોલીસ બેરિકેડ ઓળંગીને રેલ્વે ટ્રેક પર પહોંચ્યા અને ધરણા શરૂ કરવામાં સફળ રહ્યા. રેલ્વે સ્ટેશનની બહાર ખેડૂતો અને પોલીસ વચ્ચે ઝપાઝપી થઈ. ખેડૂતોએ પંજાબ સરકાર વિરુદ્ધ સૂત્રોચ્ચાર કરીને વિરોધ કર્યો.
ખેડૂત નેતા બલદેવ સિંહ જીરાએ જણાવ્યું હતું કે ખેડૂતો જિલ્લા મેજિસ્ટ્રેટની ઓફિસ અને પંજાબ સરકારના મંત્રીઓના નિવાસસ્થાનોની બહાર વિરોધ પ્રદર્શન કરી રહ્યા હતા, પરંતુ સરકારે કોઈ જવાબ આપ્યો ન હતો. આજે, તેમને રેલ્વે ટ્રેક બ્લોક કરવાની ફરજ પડી હતી. તેમણે ઉમેર્યું હતું કે પોલીસે આજે પણ તેમને રોકવાનો પ્રયાસ કર્યો હતો, પરંતુ તેઓ તેમ કરવામાં અસમર્થ રહ્યા.
ખેડૂત નેતા સર્વણ સિંહ પંઢેરે જણાવ્યું હતું કે લગભગ એક મહિના પહેલા મોકલવામાં આવેલા પત્ર દ્વારા મુખ્યમંત્રીને માંગણીઓ પહોંચાડવામાં આવી હતી. ૩૧ ઓગસ્ટના રોજ ડેપ્યુટી કમિશનર ઓફિસની બહાર પણ વિરોધ પ્રદર્શન કરવામાં આવ્યા હતા. તેમણે કહ્યું કે સરકારે ખેડૂતો સાથે વાતચીત કરી નથી. વિરોધ પ્રદર્શનની માંગણીઓમાં ભારત-અમેરિકા વેપાર કરાર, વીજળી સુધારો કાયદો અને બીજ સુધારો કાયદો અંગે સ્પષ્ટતાનો સમાવેશ થાય છે. શંભુ-ખનૌરી વિરોધ દરમિયાન થયેલા નુકસાન માટે વળતર પણ માંગવામાં આવી રહ્યું છે.ખેડૂત નેતાઓના મતે, આ સમયગાળા દરમિયાન આશરે ?૩.૭૭ કરોડનું નુકસાન થયું હતું અને સેંકડો ખેડૂતો ઘાયલ થયા હતા. મગ, મકાઈ અને બટાકા સહિત પાંચ પાક માટે કાનૂની ગેરંટી પણ એક મુખ્ય માંગ છે.
સુનમમાં મંત્રીના નિવાસસ્થાનની બહાર સતત ત્રણ દિવસ ધરણા કર્યા બાદ, ભારતીય કિસાન યુનિયન એકતા આઝાદે પોતાનું આંદોલન વધુ તીવ્ર બનાવ્યું છે. વિરોધ પ્રદર્શનના ચોથા દિવસે, ગુરુવારે, ખેડૂતોએ બપોરે ૧૨ વાગ્યે જાખલ-લુધિયાણા રેલ્વે ટ્રેક પર ધરણા શરૂ કર્યા. જાકે, રાહતની વાત એ છે કે બપોરે ૧૨ વાગ્યા પછીના ત્રણ કલાક સુધી આ રૂટ પર કોઈ ટ્રેન દોડશે નહીં.
રેલ્વે ટ્રેક પર વિરોધ પ્રદર્શન કરી રહેલા ખેડૂતોનું નેતૃત્વ કરી રહેલા યુનિયનના પ્રાંત પ્રમુખ જસવિંદર સિંહ લોંગોવાલે જણાવ્યું હતું કે સરકાર ખેડૂતોની માંગણીઓ પ્રત્યે સંપૂર્ણપણે ઉદાસીન છે. તેમણે કહ્યું કે મંત્રીના નિવાસસ્થાનની બહાર ત્રણ દિવસ શાંતિપૂર્ણ વિરોધ પ્રદર્શન છતાં, સરકારે કોઈ ધ્યાન આપ્યું નથી. પરિણામે, ખેડૂતોને સરકારને નિંદ્રામાંથી જગાડવા માટે તેમના આંદોલનને વધુ તીવ્ર બનાવવાની ફરજ પડી છે. ખેડૂત નેતાઓએ સ્પષ્ટ કર્યું કે જ્યાં સુધી તેમની વાજબી માંગણીઓ પૂર્ણ ન થાય ત્યાં સુધી આ આક્રમક રીતે વિરોધ ચાલુ રહેશે. રેલ્વે વહીવટીતંત્ર અને સ્થાનિક પોલીસ વિરોધ દરમિયાન પરિસ્થિતિ પર નજર રાખી રહ્યા છે.