કવાંટ નગરમાં બે મહિના પહેલાં તાલુકા વિકાસ અધિકારીએ દબાણ હટાવવાની ઝુંબેશ ચલાવી મુખ્ય રસ્તાઓ પરથી દબાણ દૂર કરાવ્યાં હતાં. જોકે, ટ્રાફિકની સમસ્યા ફરી યથાવત છે.
શાળા નંબર-૨ પાસે પારસી ફળિયામાં મુખ્ય રસ્તો સાંકડો છે. દુકાનોમાં આવતા ગ્રાહકો ટુ-વ્હીલર રસ્તા પર આડેધડ પાર્ક કરે છે, જેના કારણે ટ્રાફિક જામ થાય છે. રસ્તાની બંને બાજુ બાઇક પાર્ક થવાથી વાહનવ્યવહાર અટકે છે. સ્થાનિક રહેવાસીઓ, વિદ્યાર્થીઓ અને વાહનચાલકોને મુશ્કેલી પડે છે.
નગરજનોની માંગ છે કે દબાણ હટાવવાની સાથે બેફામ પાર્કિંગ સામે પણ કાર્યવાહી કરવામાં આવે. ટ્રાફિક પોલીસ નિયમિત દેખરેખ રાખે, જેથી સમસ્યાનો કાયમી ઉકેલ આવે.