બીના વિધાનસભા બેઠકના ધારાસભ્ય નિર્મલા સપ્રેના સભ્યપદ સંબંધિત કેસમાં કડક વલણ અપનાવ્યું છે. સુપ્રીમ કોર્ટે મધ્યપ્રદેશ વિધાનસભા અધ્યક્ષને નિયમો અનુસાર બે મહિનાની અંદર આ મામલે યોગ્ય નિર્ણય લેવાનો નિર્દેશ આપ્યો છે. રાજ્યના વિપક્ષી નેતા અને કોંગ્રેસના નેતા ઉમંગ સિંઘર દ્વારા દાખલ કરાયેલી અરજીની સુનાવણી બાદ આ આદેશ આપવામાં આવ્યો છે.
ઉલ્લેખનીય છે કે નિર્મલા સપ્રેએ ૨૦૨૩ની વિધાનસભા ચૂંટણીમાં કોંગ્રેસની ટિકિટ પર બીના બેઠક જીતી હતી. જાકે, જીત્યાના થોડા સમય પછી, તેઓ ભાજપમાં જાડાયા. આ પછી, કોંગ્રેસ પાર્ટીએ તેમના વિધાનસભા સભ્યપદને સમાપ્ત કરવાની માંગ કરી, આને બંધારણની દસમી અનુસૂચિ એટલે કે પક્ષપલટા વિરોધી કાયદાનું ઉલ્લંઘન ગણાવ્યું. સુનાવણી દરમિયાન, વરિષ્ઠ વકીલ વિવેક તંખાએ અરજદારનો પક્ષ રજૂ કર્યો. સુપ્રીમ કોર્ટે સ્પષ્ટ અવલોકન કર્યું, જેમાં જણાવ્યું હતું કે પક્ષપલટા વિરોધી કાયદા સંબંધિત કેસોનો સમયસર અને ઝડપી નિરાકરણ આવશ્યક છે. કોર્ટે સ્વીકાર્યું કે લોકશાહી પ્રણાલીમાં આવા કેસોને લાંબા સમય સુધી પેન્ડિંગ રાખી શકાતા નથી.
દરમિયાન, વિધાનસભા અધ્યક્ષ નરેન્દ્ર સિંહ તોમરે આ કેસમાં સુનાવણી પ્રક્રિયા પૂર્ણ કરી દીધી છે, અને બંને પક્ષો દ્વારા દસ્તાવેજા અને જવાબો દાખલ કરવામાં આવ્યા છે.દસમી અનુસૂચિઃ પક્ષપલટા વિરોધી કાયદો ભારતીય બંધારણની દસમી અનુસૂચિ હેઠળ સ્થાપિત થયેલ છે. તે ચૂંટાયેલા પ્રતિનિધિઓ દ્વારા રાજકીય પક્ષ બદલવા પર પ્રતિબંધ મૂકવા અને ગેરલાયકાત નક્કી કરવા માટેના નિયમો નક્કી કરે છે.નિર્ણય લેવાની સત્તાઃ બંધારણ મુજબ, સંબંધિત ગૃહના અધ્યક્ષ પાસે ધારાસભ્ય અથવા સાંસદના પક્ષપલટા અથવા ગેરલાયકાત સંબંધિત બાબતો પર નિર્ણય લેવાનો અંતિમ અધિકાર છે.