દિલ્હી એમસીડી પેટાચૂંટણી ૨૦૨૫ ના પરિણામો જાહેર થઈ ગયા છે.ભાજપે ૧૨ વોર્ડમાંથી સાત બેઠકો જીતી, જ્યારે આમ આદમી પાર્ટીએ ત્રણ બેઠકો જીતી. દરમિયાન, ઓલ ઈન્ડિયા ફોરવર્ડ બ્લોક અને કોંગ્રેસે એક-એક બેઠક જીતી.મુંડકામાં,આપ ઉમેદવાર અનિલે ૧,૫૭૭ મતોના માજનથી વોર્ડ જીત્યો, જેનાથી વિસ્તારમાં પાર્ટીની હાજરી જળવાઈ રહી. ભાજપના અનિતા જૈને શાલીમાર બાગ-બી-માં જંગી વિજય મેળવ્યો, ૧૦,૧૦૧ મતોના મોટા માજનથી બેઠક મેળવી. અશોક વિહારમાં કડક સ્પર્ધા જોવા મળી, જ્યાં ભાજપના વીણા અસીજા માત્ર ૪૦૫ મતોથી જીત્યા, જ્યારે ભાજપના સુમન કુમાર ગુપ્તાએ ચાંદની ચોકમાં ૧,૧૮૨ મતોના માજનથી જીત મેળવી. ઓલ ઈન્ડિયા ફોરવર્ડ બ્લોકના ઉમેદવાર મોહમ્મદ ઈમરાન ચાંદની મહલમાં ૪,૬૯૨ મતોથી જીત્યા. ભાજપે દ્વારકા-બીમાં પોતાનો વિજય સિલસિલો ચાલુ રાખ્યો, જ્યાં મનીષા દેવીએ ૯,૧૦૦ મતોના માજનથી જીત મેળવી. ભાજપના રેખા રાનીએ દિચાઓન કલાનમાં જીત મેળવી. આમ આદમી પાર્ટીના ઉમેદવાર રાજન અરોરાએ નારાયણા બેઠક પર ૧૪૮ મતોના નાના માજનથી જીત મેળવી, પાર્ટીનો દબદબો જાળવી રાખ્યો. સંગમ વિહાર-એમાં કોંગ્રેસે શાનદાર વાપસી કરી, જ્યાં સુરેશ ચૌધરીએ ૩,૬૨૮ મતોથી જીત મેળવી. દક્ષિણપુરીમાં, આપના ઉમેદવાર રામ સ્વરૂપ કનોજિયાએ ૨૨૬ મતોના નાના માજનથી જીત મેળવી. ગ્રેટર કૈલાશમાં, ભાજપના અંજુમ મંડલે ૪,૦૬૫ મતોથી જીત મેળવી, જ્યારે વિનોદ નગરમાં, ભાજપના સરલા ચૌધરીએ ૧,૭૬૯ મતોના નાના માજનથી જીત મેળવી.ભાજપે ઉમેદવાર અનિતા જૈન શાલીમાર બાગ-બી વોર્ડમાંથી ચૂંટણી જીતી છે. રેખા ગુપ્તા દિલ્હીના મુખ્યમંત્રી બનતા પહેલા આ વોર્ડમાંથી કાઉન્સિલર હતા.
વિજેતા ઉમેદવારોમાં મુંડકા અનિલ આપ ૧૫૭૭,શાલીમાર બાગ-બી અનિતા જૈન ભાજપ ૧૦૧૦૧,અશોક વિહાર વીણા અસીજા ભાજપ ૪૦૫,ચાંદની ચોક સુમન કુમાર ગુપ્તા ભાજપ ૧૧૮૨,ચાંદની મહેલ મોહમ્મદ ઈમરાન ઓલ ઈન્ડિયા ફોરવર્ડ બ્લોક ૪૬૯૨,દ્વારકા-બી મનીષા દેવી ભાજપ ૯૧૦૦,દિચોં કલન રેખા રાણી ભાજપ ૫૬૩૭,નારાયણ રાજન અરોરા આપ ૧૪૮,સંગમ વિહાર-એ સુરેશ ચૌધરી કોંગ્રેસ ૩૬૨૮,દક્ષિણપુરી રામ સ્વરૂપ કનોજિયા આપ ૨૨૬, ગ્રેટર કૈલાશ અંજુમન મંડળ ભાજપ ૪૦૬૫,વિનોદ નગર સરલા ચૌધરી ભાજપ ૧૭૬૯ દિલ્હી મ્યુનિસિપલ કોર્પોરેશન માં ભાજપ હજુ પણ સૌથી મજબૂત પક્ષ છે. ભાજપ પાસે ૧૨૨ બેઠકો છે, જ્યારે આમ આદમી પાર્ટી પાસે ૧૦૨ બેઠકો છે. કોંગ્રેસ પાસે ૯ બેઠકો છે. કુલ બેઠકો: ૨૫૦ છે તેમાં ભારતીય જનતા પાર્ટી (ભાજપ): ૧૨૨,આમ આદમી પાર્ટી : ૧૦૨,ઈન્દ્રપ્રસ્થ વિકાસ પાર્ટી:૧૬,કોંગ્રેસ: ૯,ઓલ ઈન્ડિયા ફોરવર્ડ બ્લોક ૧ બેઠક છે
પેટાચૂંટણીમાં ભાજપના સુમન ગુપ્તાએ ચાંદની ચોક બેઠક જીતી. સુમન ગુપ્તાએ આપના ઉમેદવારને આશરે ૧,૩૦૦ મતોથી હરાવ્યા. કોંગ્રેસ અને આમ આદમી પાર્ટીનો ગઢ ગણાતી આ બેઠક પર ભાજપે જંગી જીત મેળવી છે. ભાજપના ઉમેદવાર સુમન કુમાર ગુપ્તાએ ૭,૮૨૫ મત મેળવ્યા હતા, જ્યારે આમ આદમી પાર્ટીના હર્ષ શર્મા ૬,૬૪૩ મતો સાથે બીજા સ્થાને રહ્યા હતા. વિજયનું અંતર ૧,૧૮૨ મતોનું છે. એક સમયે કોંગ્રેસ અને પછી આપનો ગઢ ગણાતી આ બેઠક પર ભાજપે ભગવો વજ લહેરાવ્યો છે. ભાજપના સુમન કુમાર ગુપ્તાએ ૭,૮૨૫ મતો મેળવ્યા હતા, જ્યારે આમ આદમી પાર્ટીના હર્ષ શર્મા ૬,૬૪૩ મતો સાથે બીજા સ્થાને રહ્યા હતા. ચાંદની ચોક વોર્ડ માટે આ પેટાચૂંટણી માટે મતદાન ૩૦ નવેમ્બરના રોજ યોજાયું હતું, જેમાં આશરે ૩૫.૬૫% મતદારોએ પોતાનો મતાધિકારનો ઉપયોગ કર્યો હતો.દિલ્હીના સંગમ વિહારમાં કોંગ્રેસે પોતાનું ખાતું ખોલ્યું છે. કોંગ્રેસના ઉમેદવાર સુરેશ ચૌધરીએ અહીં જીત મેળવી છે.
ચાંદની ચોક પેટાચૂંટણીમાં, ભાજપના રવિન્દર કુમારે ૮,૭૭૪ મતો મેળવ્યા હતા, તેમણે કોંગ્રેસના ઉમેદવાર પુનરદીપ સિંહ સાહનીને ૫,૨૪૫ મતોથી હરાવ્યા હતા. ૨૦૨૨ની એકીકૃત એમસીડી ચૂંટણીમાં પરિસ્થિતિ સંપૂર્ણપણે બદલાઈ ગઈ હતી, જેમાં વોર્ડ સીમાંકન પછી ૨૫૦ વોર્ડનો સમાવેશ થતો હતો. આ વખતે, પુનર્દીપ કોંગ્રેસ છોડીને આપમાં જોડાયા. આ પરિવર્તન સફળ થયું, અને તેમણે ભાજપના ઉમેદવાર રવિન્દર કુમારને ખૂબ જ ઓછા માજનથી હરાવ્યા.
ભાજપના ઉમેદવાર સુમન કુમાર ગુપ્તાએ ચાંદની ચોક બેઠક પરથી સ્ઝ્રડ્ઢ પેટાચૂંટણી જીતી. તેમણે કહ્યું, હું ટ્રાફિક જામ, ગટર, વીજળી અને પાણીની સમસ્યાઓ ઉકેલવા માટે કામ કરીશ. મુખ્યમંત્રીએ ચાંદની ચોક માટે ?૧૦૦ કરોડનું ભંડોળ આપવાનું વચન આપ્યું હતું, અને અમે આ ભંડોળનો યોગ્ય રીતે ઉપયોગ વિસ્તારના વિકાસ અને ચાંદની ચોકની ભવ્યતા પુન:સ્થાપિત કરવા માટે કરીશું.આમ આદમી પાર્ટીના રામ સ્વરૂપ કનોજિયાએ દક્ષિણપુરીના વોર્ડ નંબર ૧૬૪માંથી એમસીડી પેટાચૂંટણી જીતી. તેમણે કહ્યું, હું આ જીતનો શ્રેય અરવિંદ કેજરીવાલ, ધારાસભ્ય પ્રેમ ચૌહાણ અને જનતાને આપું છું. હું ખૂબ ખુશ છું કે અમે જીતી ગયા. મને અહીં ઘણો પ્રેમ અને આદર મળ્યો. ભાજપના ઘણા નેતાઓ અહીં પ્રચાર કરવા આવ્યા હતા, પરંતુ અમે કામ કરતા રહ્યા અને જીત્યા. હું મારા વોર્ડમાં લોકોની સેવા કરીશ.
આમ આદમી પાર્ટીએ ચૂંટણીમાં ગોટાળાનો આરોપ લગાવ્યો છે. દિલ્હી આપના વડા સૌરભ ભારદ્વાજે કહ્યું કે બેઈમાની છતાં, ભાજપની સંખ્યા ૯ થી ઘટીને ૭ થઈ ગઈ. દિલ્હીમાં ભાજપ સરકારના પ્રથમ લિટમસ ટેસ્ટમાં બે બાબતો બહાર આવી છે: ભાજપ ઘટી રહ્યો છે. ભાજપના વરિષ્ઠ નેતાઓ અને સાંસદોએ સ્ટેજ પરથી જાહેર કર્યું, જો તમે આપ કાઉન્સિલરને ચૂંટો છો, તો અમે તમને કામ કરવા દઈશું નહીં. છતાં, ભાજપના આંકડા ઘટ્યા.