હિમાચલ પ્રદેશના મંડીના સાંસદ કંગના રનૌતે પશ્ર્ચિમ બંગાળના મુખ્યમંત્રી મમતા બેનર્જી પર આકરા પ્રહાર કર્યા છે.નવી દિલ્હીમાં બંધારણ દિવસના કાર્યક્રમ પછી, કંગનાએ મતદાર યાદી સુધારણા પર કેન્દ્ર સરકારને ધમકી આપવા બદલ મમતા બેનર્જીની ટીકા કરી. કંગના રનૌતે કહ્યું કે ઘુસણખોરો આપણા શરીરમાં કેન્સર જેવા છે. તેમણે કહ્યું કે દેશ આ ઘુસણખોરો થી છુટકારો મેળવવા માંગે છે. કંગના રનૌતે ગેરકાયદેસર ઇમિગ્રેશનના મુદ્દાની તુલના કેન્સર સાથે કરી હતી. તેમણે કહ્યું હતું કે દેશ આવી ધમકીઓથી ડરશે નહીં. અગાઉ, બિહારના રહેવાસી કેન્દ્રીય મંત્રી ગિરિરાજ સિંહે કહ્યું હતું કે મમતા બેનર્જીના કારણે બંગાળ ગેરકાયદેસર ઇમિગ્રન્ટ્સનું કેન્દ્ર બની ગયું છે.
કંગના રનૌતે પીટીઆઈને કહ્યું હતું કે આખો દેશ આ ઘૂસણખોરોથી છુટકારો મેળવવા માંગે છે. શરીરમાં કેન્સરની જેમ, આખો દેશ ઘૂસણખોરોને બહાર કાઢવા માંગે છે. નોંધનીય છે કે એક દિવસ પહેલા, મંગળવારે, મમતા બેનર્જીએ જીૈંઇ કવાયત સામે બોનગાંવમાં એક રેલીને સંબોધિત કરી હતી. તેમાં, તેમણે કહ્યું હતું કે વડાપ્રધાન મોદીને ૨૦૨૪ માં આ જ યાદીના આધારે મત મળ્યા હતા. જો તમારું નામ દૂર કરવામાં આવે છે, તો કેન્દ્ર સરકારનું નામ પણ દૂર કરવું જોઈએ.એસઆઇઆર આટલી ઉતાવળમાં કેમ લાગુ કરવામાં આવી રહ્યું છે? ગયા મહિને, કંગના રનૌતે કહ્યું હતું કે વિરોધી પક્ષોને એસઆઇઆરથી કોઈ સમસ્યા ન હોવી જોઈએ કારણ કે આ કવાયત નકલી મતદારોને દૂર કરશે. ભાજપના નેતાએ કહ્યું હતું કે આ કવાયત ઘૂસણખોરો અને મતદાર કાર્ડ વેચનારાઓને ઓળખશે.
ચૂંટણી પંચે ૨૭ ઓક્ટોબરે જાહેરાત કરી હતી કે તે નવેમ્બર અને ફેબ્રુઆરી વચ્ચે ૧૨ રાજ્યો અને કેન્દ્રશાસિત પ્રદેશોમાં વિશેષ સઘન સુધારણાનો બીજો તબક્કો હાથ ધરશે. આ ૧૨ રાજ્યો અને કેન્દ્રશાસિત પ્રદેશોમાં છત્તીસગઢ, ગુજરાત, મયપ્રદેશ, રાજસ્થાન, તમિલનાડુ, ઉત્તરપ્રદેશ અને પશ્ર્ચિમ બંગાળનો સમાવેશ થાય છે. બંગાળમાં આવતા વર્ષની શરૂઆતમાં વિધાનસભાની ચૂંટણીઓ યોજાવાની છે. તૃણમૂલ કોંગ્રેસનો આરોપ છે કે કેન્દ્રની ભાજપ સરકાર બંગાળમાં બિહાર પેટર્નનું પુનરાવર્તન કરવા માંગે છે. મમતા બેનર્જી એસઆઇઆર અંગે આક્રમક છે. કેટલાક રાજ્યોએ એસઆઇઆર સામે સુપ્રીમ કોર્ટનો પણ સંપર્ક કર્યો છે.
મંડીના ભાજપ સાંસદે રામ મંદિર વજવંદન સમારોહ પર પાકિસ્તાનના વિદેશ મંત્રાલયના તાજેતરના નિવેદન પર પણ પ્રહાર કરતા કહ્યું કે દેશ ’ભીખ માંગવાનો કટોરો’ બની ગયો છે. કંગનાએ પત્રકારોને જણાવ્યું હતું કે પાકિસ્તાન ગભરાઈ રહ્યું છે કારણ કે તેઓ દિવસેને દિવસે ડૂબી રહ્યા છે. તેઓ ભીખ માંગવાનો કટોરો બની ગયા છે, અને આપણે ત્રીજા ક્રમનું સૌથી મોટું અર્થતંત્ર છીએ અને ટૂંક સમયમાં પ્રથમ ક્રમનું સૌથી મોટું અર્થતંત્ર બનીશું. વડા પ્રધાન નરેન્દ્ર મોદી અને આરએસએસના વડા મોહન ભાગવતે મંગળવારે અયોયામાં રામ જન્મભૂમિ મંદિરના ૧૯૧ ફૂટ ઊંચા શિખર પર ભગવો વજ ફરકાવ્યો હતો, જે મંદિરના નિર્માણનું કાર્ય પૂર્ણ થવાનું પ્રતીક છે.