ભારતીય ટી ૨૦ ક્રિકેટ ટીમના કેપ્ટન શ્રેયસ ઐયરે વેસ્ટ ઈન્ડિઝ સામેની મેચમાં શાનદાર સદી ફટકારી હતી. તેણે મંગળવારે સદી ફટકારી હતી, અને બીજા જ દિવસે, બુધવારે, તેણે આઇસીસી રેન્કિંગમાં મોટો ઉછાળો નોંધાવ્યો હતો. શ્રેયસ ઐયરે એક જ ઝટકામાં ૧૮ સ્થાનનો ઉછાળો નોંધાવ્યો છે અને સીધો ટોપ ૧૦માં સ્થાન મેળવી લીધું છે. આ દરમિયાન, ઈશાન કિશન નંબર વન પર યથાવત છે.
ભારત વિરુદ્ધ વેસ્ટ ઈન્ડિઝ ટી૨૦ શ્રેણી દરમિયાન, આઈસીસીએ નવી ટી૨૦ આંતરરાષ્ટÙીય રેન્કિંગ જાહેર કરી છે. ભારતનો ઈશાન કિશન નંબર વન પર યથાવત છે. તેનું રેટિંગ હાલમાં ૯૦૨ છે. જાકે તે એક સમયે ૯૧૬ પર પહોંચ્યો હતો, પરંતુ હવે તેનું રેટિંગ થોડું ઘટી ગયું છે. આમ છતાં, તેનું નંબર વન સ્થાન હાલમાં કોઈ ખતરામાં નથી. ભારતના ઓપનિંગ બેટ્સમેન અભિષેક શર્મા ૮૮૭ ના રેટિંગ સાથે બીજા નંબર પર છે. આનો અર્થ એ થયો કે બંને વચ્ચે નોંધપાત્ર અંતર છે, જે ટૂંક સમયમાં પૂરાશે નહીં.
દરમિયાન, શ્રેયસ ઐયરે સૌથી વધુ ફાયદો મેળવ્યો છે. ઐયરે વેસ્ટ ઈન્ડિઝ સામેની પહેલી ટી ૨૦માં ૪૩ બોલમાં ૧૦૨ રનની ધમાકેદાર અણનમ ઇનિંગ રમી હતી. જેમાં દસ ચોગ્ગા અને છ છગ્ગાનો સમાવેશ થતો હતો. શ્રેયસ ઐયરે ટી ૨૦માં પહેલી સદી ફટકારી છે, જે કેપ્ટન તરીકે તેની બીજી ઇનિંગમાં આવી છે. આ જ કારણ છે કે શ્રેયસ ઐયરે આઇસીસી રેન્કિંગમાં ૧૮ સ્થાનનો કૂદકો માર્યો છે. તે હવે ૭૮૬ રેટિંગ સાથે સાતમા ક્રમે છે.
આ શ્રેયસ ઐયરેનું સર્વકાલીન ઉચ્ચ રેટિંગ પણ છે. અગાઉ, શ્રેયસ ૬૧૧ રેટિંગ સાથે ૨૫મા ક્રમે હતો. તેનું સર્વકાલીન ઉચ્ચ રેટિંગ ૬૩૦ હતું, પરંતુ હવે તે તેનાથી નોંધપાત્ર રીતે આગળ નીકળી ગયો છે. નોંધનીય છે કે, ભારત વિરુદ્ધ વેસ્ટ ઈÂન્ડઝ શ્રેણીમાં હજુ ચાર વધુ મેચ બાકી છે. જા શ્રેયસ ઐય્યર આ મેચોમાં સારી ઇનિંગ્સ રમશે, તો તે દિવસ દૂર નથી જ્યારે તે પણ ટોચના ૫ માં પહોંચશે. વેસ્ટ ઈન્ડિઝ ના કેપ્ટન શાઈ હોપે એક સ્થાનનો ફાયદો મેળવ્યો છે અને હવે તે ૧૩મા ક્રમે છે.