ફિલ્મ ફંડિંગમાં અનિયમિતતાની તપાસ દરમિયાન અનુભવી ફિલ્મ નિર્માતા વાશુ ભગનાનીને લંડનમાં હોસ્પિટલમાં દાખલ કરવામાં આવ્યા છે. તેમના હોસ્પિટલમાં દાખલ થવાનું ચોક્કસ કારણ જાહેર કરવામાં આવ્યું નથી. ના અહેવાલ મુજબ, તેમના સ્વાસ્થ્ય વિશે પૂછવામાં આવતા, ભગનાનીએ ગોપનીયતાની વિનંતી કરી અને કહ્યું કે તેઓ “એકલા” રહેવા માંગે છે. તેમના સ્વાસ્થ્ય વિશે વધુ માહિતીની રાહ જાવાઈ રહી છે. મુંબઈમાં પ્રખ્યાત નિર્માતા, તેમની પુત્રવધૂ રકુલ પ્રીત સિંહ અને પ્રોડક્શન કંપની પેનોરમા સ્ટુડિયો સાથે જોડાયેલા ૧૨ સ્થળોએ કર અધિકારીઓએ દરોડા પાડ્યા બાદ આ મામલો પ્રકાશમાં આવ્યો. ફિલ્મ પ્રોજેક્ટ્સ સંબંધિત વિદેશી નાણાકીય વ્યવહારોના સંદર્ભમાં આ કાર્યવાહી કરવામાં આવી હતી.
મુંબઈ આવકવેરા વિભાગનું દરોડા ઓપરેશન નાણાકીય અનિયમિતતાને કારણે હાથ ધરવામાં આવ્યું હતું. એવો આરોપ છે કે ફિલ્મ નિર્માણ હેતુ માટે પૈસા વિદેશમાં મોકલવામાં આવ્યા હતા. અહેવાલો અનુસાર, કર અધિકારીઓએ ફિલ્મ અને તેના નિર્માણ બેનર સાથે સંકળાયેલા અનેક સ્થળોએ દરોડા પાડ્યા હતા. જા કે, પ્રશ્નમાં રહેલા વ્યવહારોની ચોક્કસ વિગતો અને તેમાં સામેલ કુલ રકમ હજુ સુધી જાહેર કરવામાં આવી નથી. અગાઉ, નિર્માતા વાશુ ભગનાનીએ નેટફ્લિક્સ પર ગંભીર આરોપો લગાવ્યા હતા. તેમનો દાવો છે કે્ પ્લેટફોર્મ સાથે છેતરપિંડી અને કાવતરું ઘડવામાં આવ્યું હતું.
હિન્દી સિનેમામાં એક જાણીતું નામ વાશુ ભગનાનીએ ૧૯૯૫ માં “પૂજા એન્ટરટેઈનમેન્ટ” નામના તેમના પ્રોડક્શન બેનરથી શરૂઆત કરી હતી. તે જ વર્ષે, તેમણે ગોવિંદા અભિનીત હિટ કોમેડી “કુલી નંબર ૧” થી નિર્માતા તરીકેની શરૂઆત કરી. ત્યારબાદ, વાશુ ભગનાનીએ “હીરો નંબર ૧,” “બીવી નંબર ૧,” “પ્યાર કિયા તો ડરના ક્્યા” અને રોમેન્ટિક ક્લાસિક “રહા હૈ તેરે દિલ મેં” સહિત અનેક બોક્સ ઓફિસ હિટ ફિલ્મો બનાવી છે. તેઓ તેમના પુત્ર અને નિર્માતા જેકી ભગનાની સાથે આ પ્રોડક્શન હાઉસ ચલાવે છે. તેઓએ સાથે મળીને “સરબજીત,” “બેલ બોટમ” અને ૨૦૨૪ ની એક્શન ફિલ્મ “બડે મિયાં છોટે મિયાં” સહિત ઘણી મોટી ફિલ્મોનું નિર્માણ કર્યું છે, જેમાં અક્ષય કુમાર અને ટાઇગર શ્રોફ અભિનીત છે.૧૦ એપ્રિલ, ૨૦૨૪ ના રોજ રિલીઝ થયેલી અક્ષય કુમાર અને ટાઇગર શ્રોફ અભિનીત ફિલ્મ “બડે મિયાં છોટે મિયાં” “મિયાં” બોક્સ ઓફિસ પર ફ્લોપ સાબિત થઈ. તેની નિષ્ફળતાએ નિર્માતાઓને ગુસ્સે કર્યા. દરમિયાન, નિર્માતા અને દિગ્દર્શક વચ્ચે અણબનાવના અહેવાલોએ જાર પકડ્યું છે. પૈસાને લઈને વિવાદ શરૂ થયો હતો, જેમાં દિગ્દર્શક અલી અબ્બાસ ઝફરે ચૂકવણી ન કરવાનો આરોપ લગાવ્યો હતો.એનઆરઆઇ નિર્માતાઓ વાશુ અને જેકી ભગનાનીએ પણ અલી અબ્બાસ ઝફર સામે ફરિયાદ નોંધાવી હતી, જેમાં તેમના પર ભંડોળનો દુરુપયોગ કરવાનો આરોપ લગાવ્યો હતો.