આસામના નાગાંવ જિલ્લામાં, એક સીઆરપીએફ અધિકારીએ તેના બે સાથીદારોને ગોળી મારીને હત્યા કરી અને બીજાને ઘાયલ કર્યા. ત્યારબાદ સીઆરપીએફ અધિકારીએ પોતાને ગોળી મારીને આત્મહત્યા કરી લીધી. આખી ઘટનાથી કેમ્પમાં ગભરાટ ફેલાયો.
વધુ વિગતો આપતાં, નાગાંવના નાયબ પોલીસ અધિક્ષક (મુખ્ય મથક) પરિમિતા સરકારે જણાવ્યું હતું કે આ ઘટના સવારે ૭ વાગ્યે કટિમારીમાં ૩૪ બટાલિયન કેમ્પમાં બની હતી જ્યારે મુખ્ય દરવાજા પર ફરજ બજાવતા એએસઆઇ/જીડી બલ્લાની પ્રેમાબરમે પોતાના સાથીદારો પર ગોળીબાર કર્યો હતો.
ડીએસપીએ જણાવ્યું હતું કે એસએસઆઇએ પછી પોતાને ગોળી મારી દીધી હતી અને તેનું ઘટનાસ્થળે જ મૃત્યુ થયું હતું. અન્ય બે સૈનિકો, વિષ્ણુ પ્રસાદ બઘેલ અને રામનવલ સિંહ યાદવનું ઘટનાસ્થળે જ મૃત્યુ થયું હતું. પરમિતા સરકારે જણાવ્યું હતું કે આ ઘટનામાં સીઆરપીએફના અન્ય સૈનિક,એએસઆઇ/માણે ગોવિંદ શ્રીપુલ ઘાયલ થયા હતા. તેમને ખાનગી હોસ્પિટલમાં લઈ જવામાં આવ્યા હતા અને તેમની સારવાર ચાલી રહી છે. તેમણે કહ્યું કે વરિષ્ઠ સીઆરપીએફ અને પોલીસ અધિકારીઓ કેમ્પ પહોંચી ગયા છે અને તપાસનો આદેશ આપવામાં આવ્યો છે.
મૃતક સીઆરપીએફ એએસઆઇ બલ્લાની પ્રેમાબરમે પોતાના સાથીદારો પર ગોળીબાર કરવાનું કારણ હજુ સ્પષ્ટ નથી. ગોળીબાર કરનાર સૈનિકે પોતે પણ આત્મહત્યા કરી લીધી છે. આનાથી એ સવાલો ઉભા થાય છે કે તેણે અચાનક ગોળીબાર કરવાનું કારણ શું હતું. સીઆરપીએફ અધિકારીઓ અને પોલીસ ટીમો આ બધા પાસાઓની તપાસ કરી રહી છે.
આ ઘટના બાદ,સીઆરપીએફ કેમ્પમાં સુરક્ષા વધારી દેવામાં આવી છે. અન્ય સીઆરપીએફ કર્મચારીઓ પણ સતર્ક છે. મંગળવારે સવારે બનેલી ઘટનાથી બધા ચોંકી ગયા છે. સીઆરપીએફ અધિકારીઓ પણ આ બાબત પર નજર રાખી રહ્યા છે અને તપાસ ચાલી રહી છે.