છત્તીસગઢના અંબિકાપુરમાં કાળા જાદુથી લોકોની સમસ્યાઓ દૂર કરવાનો દાવો કરનાર ઢોંગી બાબાએ 24 વર્ષની યુવતી પર બળાત્કાર કર્યો છે. આરોપીએ યુવતીને લગ્ન માટે સારો છોકરો મળશે અને નોકરી મળવાની લાલચ આપી હતી. ફરિયાદ બાદ પોલીસે આરોપીની ધરપકડ કરી જેલ હવાલે કર્યો છે. આ મામલો ગાંધીનગર પોલીસ સ્ટેશન વિસ્તારનો છે.
પીડિતાના જણાવ્યા અનુસાર, 14 જૂનની સવારે લગભગ 8 થી 9 વાગ્યાની વચ્ચે અમિત ગોસ્વામી નામનો વ્યક્તિ તેમની કોલોનીમાં પહોંચ્યો હતો. તેણે પોતાને પ્રયાગરાજ (ઉત્તર પ્રદેશ)નો રહેવાસી ગણાવ્યો હતો. તે લોકોની સમસ્યાઓ દૂર કરવા અને કાળા જાદુ કરવાનો દાવો કરી રહ્યો હતો.
આરોપીએ કાળા જાદુના નામે યુવતીને સારો ચોકરો મળવાની અને સારી નોકરી મળવાની વાત કહી. ત્યારબાદ તેણે યુવતીને સ્નાન કરીને આવવા માટે કહ્યું હતું અને કાળા જાદુના નામે વિધિ કરવાની પ્રક્રિયા શરૂ કરી હતી.
નાગપુરમાં એરફોર્સ ઓફિસરની પત્ની પર બળાત્કાર:બળજબરીથી ધર્મ પરિવર્તનનો પ્રયાસ; VIDEOમાં રડતા રડતા બોલી- ‘મને જવા દો’
માતાને મંદિર મોકલ્યા, બહેનને બહાર કાઢી
આરોપીએ યુવતીની માતાને એક મુઠ્ઠી ચોખા આપીને હનુમાન મંદિરે મોકલ્યા અને 151 ચોખાના દાણા ચઢાવવા કહ્યું. જ્યારે યુવતીની બહેનને પણ રૂમમાંથી બહાર મોકલી દીધી. યુવતીએ જણાવ્યું કે આરોપીએ તેને સંમોહિત કરીને તેની સાથે દુષ્કર્મ કર્યું અને સ્થળ પરથી ફરાર થઈ ગયો.
ફરિયાદ બાદ પોલીસે શોધખોળ શરૂ કરી
ઘટનાની જાણકારી મળ્યા બાદ ગાંધીનગર પોલીસે આરોપીની શોધખોળ શરૂ કરી. પોલીસ ટીમે બસ સ્ટેન્ડ, કોલોનીઓ અને આસપાસના વિસ્તારોમાં તપાસ કરી. આ દરમિયાન સુભાષનગર વિસ્તારમાં શંકાસ્પદ દેખાવનો યુવક મળ્યો, જેને અટકાયતમાં લઈને પૂછપરછ કરવામાં આવી.
આરોપી પ્રયાગરાજનો રહેવાસી છે
પૂછપરછમાં તેની ઓળખ અમિત કુમાર ગોસ્વામી (29) નિવાસી ગ્રામ સેમરા, પ્રયાગરાજ (ઉત્તર પ્રદેશ) તરીકે થઈ. પોલીસ પૂછપરછમાં તેણે ગુનો કબૂલી લીધો. તેની પાસેથી એક થેલો પણ મળી આવ્યો, જેમાં અનેક પ્રકારના પાવડર અને કાળા જાદુમાં ઉપયોગમાં લેવાતો સામાન રાખેલો હતો.
કાળા જાદુના નામે લોકો પાસેથી ઠગાઈ કરતો હતો
પોલીસે જણાવ્યું કે આરોપી સંબંધી મનોજના ઘરે રોકાયો હતો અને કાળા જાદુના બહાને લોકો પાસેથી પૈસા પડાવવાનું કામ કરતો હતો. પોલીસે આરોપીને પકડીને કોર્ટમાં રજૂ કર્યો, જ્યાંથી તેને રિમાન્ડ પર જેલમાં મોકલી દેવામાં આવ્યો છે.