દાહોદ,દાહોદ તાલુકાના કતવારાથી આગાવાડા જતા રોડ પર રિક્ષાના ચાલકે છોકરાને અડફેટે લેતા સ્થળ પર મોત નીપજયું હતુ.
દાહોદ તાલુકાના કતવારાથી આગાવાડા જતા રોડ પર રાત્રિના સુમારે એક રિક્ષાનો ચાલક પુરઝડપે રિક્ષા હંકારી લઈ જઈ રહ્યો હતો. કતવારાથી આગાવાડા જતા રોડ પર રોડની સાઈડમાં ચાલતા જઈ રહેલા સાવન નામના છોકરાને ટકકર મારી રોડ પર પાડી દઈ તેના પર ઓટો રિક્ષા ચઢાવી દેતા જીવલેણ ઈજાઓ થતાં સ્થળ પર જ મોત નીપજયું હતુ. જયારે રિક્ષાનો ચાલક રિક્ષા સ્થળ પર મુકી નાસી ગયો હતો. ધટનાની જાણ થતાં જ કતવારા પોલીસ ધટના સ્થળે દોડી આવી હતી. અને મરણ જનાર સાવન નામના છોકરાની લાશનો કબ્જો લઈ પંચો રૂબરૂ પંચનામુ કરી પોસ્ટમોર્ટમ માટે દાહોદને ઝાયડસ હોસ્પિટલમાં મોકલી આપી હતી. આ સંબંધે ગમલા ગામના કમલેશભાઈ રમેશભાઈ સંગાડાએ નોંધાવેલી ફરિયાદના આધારે કતવારા પોલીસે ઓટો રિક્ષા ચાલક વિરુદ્ધ ફેટલનો ગુનો નોંધી કાર્યવાહી હાથ ધરી છે.