દિલ્હી સરહદ નજીક ધરપકડ કરાયેલ લશ્કર આતંકવાદી શબ્બીર અહેમદ લોને પૂછપરછ દરમિયાન અનેક મહત્વપૂર્ણ રહસ્યો ખોલ્યા છે. તેણે ખુલાસો કર્યો કે તેણે અનેક વ્યાપારી અને ધાર્મિક સ્થળોની રેકી કરી હતી. આ ધાર્મિક સ્થળોમાં કાલકાજી મંદિર, લોટસ ટેમ્પલ અને છતરપુર મંદિરનો સમાવેશ થાય છે. રેકી પછી, એક વીડિયો પાકિસ્તાન મોકલવામાં આવ્યો હતો. આરોપીઓએ કનોટ પ્લેસનું પણ ફિલ્માંકન કર્યું.
લોને જણાવ્યું હતું કે આઇએસઆઇ ‘ધ રેઝિસ્ટન્સ ફ્રન્ટ’ ના મોડેલ પર એક આતંકવાદી સંગઠન બનાવવા માંગતી હતી. ટીઆરએફએ ગયા વર્ષે પહેલગામ આતંકવાદી હુમલો કર્યો હતો.
શબીર અહેમદ લોન પાકિસ્તાન સ્થિતિ આતંકવાદી સંગઠન લશ્કર-એ-તૈયબાના હેન્ડલર્સ આસિફ ડાર અને સુમામા બાબર સાથે નિયમિત સંપર્કમાં હતો. મૂળ સોપોરનો અને હાલમાં પાકિસ્તાનથી કાર્યરત આસિફ ડાર મેસેજિંગ પ્લેટફોર્મ ટેલિગ્રામ પર જ્રરૂડ્ઢ_૧૭ નામના એન્ક્રિપ્ટેડ હેન્ડલનો ઉપયોગ કરીને આ પ્રવૃત્તિઓનું સંકલન કરતો હતો.
લોન વારંવાર તેની એન્ક્રિપ્ટેડ ચેટ ઓળખ બદલતો હતો, પરંતુ બાદમાં હેન્ડલર્સ અને મોડ્યુલ સભ્યો સાથે વાતચીત કરવા માટે ચોક્કસ મોબાઇલ નંબરનો ઉપયોગ કરવાનું શરૂ કરતો હતો; તપાસકર્તાઓ કહે છે કે આ નંબરનો ઉપયોગ નેટવર્કને શોધવા માટે કરવામાં આવ્યો હતો.
અહેવાલો અનુસાર, લશ્કર-એ-તૈયબાના કાર્યકરો – અબુ હુઝૈફા, અબુ બકર અને ફૈઝલ – લોનના વિસ્તારમાં પહોંચ્યા, જ્યાં તેઓએ લોજિસ્ટકલ સપોર્ટ પૂરો પાડ્યો. અબુ હુઝૈફાએ લોનને લશ્કર-એ-તૈયબામાં ભરતી કર્યો. લોનને “દૌરા-એ-આમ” નામનો ૨૧ દિવસનો મૂળભૂત તાલીમ કાર્યક્રમ પૂર્ણ કર્યો, જેમાં તેને નાના હથિયારો અને ગ્રેનેડનો ઉપયોગ કરવાની તાલીમ આપવામાં આવી. ત્યારબાદ તેણે “દૌરા-એ-ખાસ” પૂર્ણ કર્યો, જે ત્રણ મહિનાનો એડવાન્સ્ડ તાલીમ અભ્યાસક્રમ હતો જેમાં તેને એકે-સિરીઝ રાઇફલ્સ, રોકેટ લોન્ચર્સ, આઇઇડી અને લાઇટ મશીનગનનો ઉપયોગ કરવાની તાલીમ આપવામાં આવી હતી.
લોનને વૈચારિક કટ્ટરપંથીકરણ અને નવા સભ્યોની ભરતી કરવાના હેતુથી “દૌરા-એ-સુફા” કાર્યક્રમ માટે મુઝફ્ફરાબાદમાં લશ્કર-એ-તૈયબાના કેમ્પમાં પણ મોકલવામાં આવ્યો હતો. પાકિસ્તાનની ગુપ્તચર એજન્સી, ઇન્ટર-સર્વિસિસ ઇન્ટેલિજન્સએ ભારતને લક્ષ્ય બનાવીને એક ઓપરેશનલ સેલ સ્થાપિત કરવા માટે લોનને બાંગ્લાદેશ મોકલ્યો હોવાના અહેવાલ છે.
માર્ચ ૨૦૨૫ માં, લોન તેના પરિવાર સાથે ભારત-બાંગ્લાદેશ સરહદ પાર કરીને બાંગ્લાદેશના સૈદપુર વિસ્તારમાં સ્થાયી થયો, ત્યાં “લોન્ચંગ બેઝ” સ્થાપ્યો. પોતાની ઓળખ છુપાવવા અને શંકા ટાળવા માટે, તેણે સ્થાનિક બાંગ્લાદેશી મહિલા સાથે લગ્ન કર્યા હોવાનું કહેવાય છે. ત્યારબાદ, લોને ભારતમાં આતંકવાદી હુમલાઓ કરવા માટે જમ્મુ અને કાશ્મીરની બહારના અનેક રાજ્યો અને કેન્દ્રશાસિત પ્રદેશોમાંથી બાંગ્લાદેશી અને ભારતીય યુવાનોની ભરતી કરી.