જન સૂરજના સ્થાપક, પ્રશાંત કિશોરે બિહારના રાજકારણ અંગે મોટો દાવો કર્યો છે. ભાગલપુરમાં મીડિયા સાથે વાત કરતા તેમણે દાવો કર્યો હતો કે રાજ્યમાં મુખ્યમંત્રીનો ચહેરો આખરે વડા પ્રધાન નરેન્દ્ર મોદી અને ગૃહ પ્રધાન અમિત શાહ દ્વારા નક્કી કરવામાં આવશે. આ દરમિયાન કિશોરે એવો પણ આરોપ લગાવ્યો હતો કે મુખ્યમંત્રી નીતિશ કુમારને સ્વાસ્થ્યના કારણોસર ધીમે ધીમે બાજુ પર રાખવામાં આવી રહ્યા છે.
સોમવારે ભાગલપુરમાં સરકાર પર નિશાન સાધતા પ્રશાંત કિશોરે કહ્યું, “ચૂંટણી પહેલાથી જ તેઓ સ્વસ્થ નથી, તેથી જ તેમને હટાવવામાં આવી રહ્યા છે. પરંતુ બિહારના લોકો સાથે કોણે દગો કર્યો? તેમની પાર્ટી અને ભાજપ. હવે યુવાનોને ૧ કરોડ નોકરીઓ કોણ આપશે?” તેમણે વધુમાં કહ્યું, “આજે, મુખ્યમંત્રીનો ચહેરો તે હશે જે વડા પ્રધાન મોદી અને અમિત શાહ ઇચ્છે છે.”
પ્રશાંત કિશોરનું નિવેદન એવા સમયે આવ્યું છે જ્યારે મુખ્યમંત્રી નીતિશ કુમારે વિધાન પરિષદમાંથી રાજીનામું આપ્યું હતું. ૫ માર્ચે, નીતિશ કુમારે રાજ્યસભાની ચૂંટણી માટે પોતાનું નામાંકન દાખલ કર્યું અને નવા મંત્રીમંડળ માટે પોતાનો સંપૂર્ણ ટેકો વ્યક્ત કર્યો. તેમના સંદેશમાં, તેમણે “વિકસિત બિહાર” બનાવવા માટેની પ્રતિબદ્ધતા વ્યક્ત કરી અને નવી સરકારને ટેકો અને માર્ગદર્શન આપવાનું વચન આપ્યું. તાજેતરમાં, નીતિશ કુમારને જનતા દળ (યુનાઇટેડ) ના રાષ્ટીય અધ્યક્ષ તરીકે પણ સર્વાનુમતે ચૂંટવામાં આવ્યા હતા, કારણ કે આ પદ માટે અન્ય કોઈ ઉમેદવાર ઉભરી આવ્યો ન હતો. એ નોંધવું જાઈએ કે નીતિશ કુમારની રાજકીય સફર ગઠબંધન રાજકારણનું એક અનોખું ઉદાહરણ રહ્યું છે. ૧૯૮૫માં ધારાસભ્ય તરીકે શરૂ કરીને, તેમણે અટલ બિહારી વાજપેયી સરકારમાં કેન્દ્રીય મંત્રી તરીકે પણ સેવા આપી હતી. ૨૦૦૫માં, તેઓ પહેલી વાર બિહારના મુખ્યમંત્રી બન્યા હતા.
૨૦૧૩ થી, તેમની રાજકીય કારકિર્દી સતત બદલાતા જાડાણો દ્વારા ચિહ્નત થયેલ છે. તેમણે ૨૦૧૩, ૨૦૧૭, ૨૦૨૨ અને ૨૦૨૪ માં ભાજપ અને મહાગઠબંધન (આરજેડી-કોંગ્રેસ) વચ્ચે વારાફરતી ચૂંટણી લડી છે. આમ છતાં, તેમની રાજકીય હાજરી મજબૂત રહી, અને ૨૦૨૫ માં, તેમણે રેકોર્ડ દસમી વખત મુખ્યમંત્રી તરીકે શપથ લીધા.