યુએસ રાષ્ટ્રપતિ ડોનાલ્ડ ટ્રમ્પે ઈરાનના સર્વોચ્ચ નેતા ખામેનીની હત્યા અંગે એક મુખ્ય નિવેદન આપ્યું છે. તેમણે કહ્યું, “મેં તેમને (ખામેનીને) પહેલા મારી નાખ્યા, તે પહેલાં તેઓ મને મારી શકે. તેમણે બે વાર પ્રયાસ કર્યો. સારું, મેં તેમને પહેલા મારી નાખ્યા.” આ સમાચાર ધ સ્પેક્ટેટર ઇન્ડેક્સ દ્વારા અહેવાલિત કરવામાં આવ્યા હતા.
આ અગાઉ, ટ્રમ્પે કહ્યું હતું કે, “હું ફરી એકવાર રિવોલ્યુશનરી ગાર્ડ, ઈરાની સેના અને પોલીસને તેમના શાસ્ત્ર સોંપવા અને સંપૂર્ણ સલામતી મેળવવા વિનંતી કરું છું, નહીં તો ચોક્કસ મૃત્યુનો સામનો કરવો પડશે.”
ટ્રમ્પે કહ્યું, “આ પગલાં યોગ્ય અને જરૂરી છે જેથી અમેરિકનો ફરી ક્યારેય પરમાણુ શાસ્ત્ર થી સજ્જ અને તમામ પ્રકારના જાખમોનો ભોગ ન બને તેવા કટ્ટરપંથી, લોહીલુહાણ આતંકવાદી શાસનનો સામનો ન કરે. લગભગ ૫૦ વર્ષથી, આ દુષ્ટ ઉગ્રવાદીઓ ‘અમેરિકા મૃત્યુ’, ‘ઇઝરાયલ મૃત્યુ’ અથવા બંનેના નારા લગાવીને યુનાઇટેડ સ્ટેટ્સ પર હુમલો કરી રહ્યા છે. તેઓ વિશ્વના આતંકવાદના નંબર વન પ્રાયોજક છે. આ અસહ્ય ધમકીઓ ચાલુ રહેશે નહીં. હું ફરી એકવાર રિવોલ્યુશનરી ગાર્ડ, ઈરાની સેના અને પોલીસને તેમના હથિયારો મૂકીને સંપૂર્ણ સલામતી મેળવવા વિનંતી કરું છું, નહીં તો ચોક્કસ મૃત્યુનો સામનો કરવો પડશે. હું સ્વતંત્રતા માટે ઝંખતા તમામ ઈરાની દેશભક્તોને આ ક્ષણનો લાભ લેવા, બહાદુર બનવા, હિંમતવાન બનવા, વીર બનવા અને પોતાનો દેશ પાછો મેળવવા હાકલ કરું છું. અમેરિકા તમારી સાથે છે. મેં તમને વચન આપ્યું હતું, અને મેં તે વચન પાળ્યું છે.”
ટ્રમ્પે કહ્યું, “છેલ્લા ૩૬ કલાકથી, યુનાઇટેડ સ્ટેટ્સ અને તેના સાથીઓ ઓપરેશન એપિક ફ્યુરી ચલાવી રહ્યા છે. અમે ઈરાનમાં સેંકડો લક્ષ્યો પર હુમલો કર્યો છે, જેમાં રિવોલ્યુશનરી ગાર્ડ બેઝ અને ઈરાની એર ડિફેન્સ સિસ્ટમનો સમાવેશ થાય છે. હમણાં જ જાહેરાત કરવામાં આવી છે કે અમે નવ જહાજા અને તેમના નૌકાદળના બેઝનો નાશ કર્યો છે. ઈરાનના ભૂતપૂર્વ સુપ્રીમ લીડર, આયાતુલ્લાહ ખામેનીનું અવસાન થયું છે. સમગ્ર લશ્કરી કમાન્ડને પણ ખતમ કરી દેવામાં આવ્યો છે, અને તેમાંથી ઘણા પોતાનો જીવ બચાવવા માટે શરણાગતિ સ્વીકારવા તૈયાર છે. હાલમાં લડાઇ કામગીરી સંપૂર્ણ તાકાતથી ચાલી રહી છે, અને તે અમારા બધા ઉદ્દેશ્યો પ્રાપ્ત ન થાય ત્યાં સુધી ચાલુ રહેશે.”