ગુજરાતમાં ચોમાસું હાલમાં સ્થિર ગતિએ આગળ વધી રહ્યું છે. રાજ્યના વિવિધ જિલ્લાઓમાં હળવાથી મધ્યમ વરસાદી ઝાપટાં પડી રહ્યા છે અને આગામી કેટલાક દિવસો સુધી પણ આવું જ વાતાવરણ રહેવાની સંભાવના વ્યક્ત કરવામાં આવી છે. હવામાન વિભાગના અનુમાન મુજબ ૧૧ ઓગસ્ટ સુધી રાજ્યના મોટાભાગના વિસ્તારોમાં સામાન્યથી મધ્યમ વરસાદ ચાલુ રહી શકે છે, જ્યારે ૧૨થી ૧૫ ઓગસ્ટ દરમિયાન વરસાદનું પ્રમાણ કેટલાક વિસ્તારોમાં વધી શકે છે.
દરમિયાન દક્ષિણ ગુજરાત, મધ્ય ગુજરાત, ઉત્તર ગુજરાત, સૌરાષ્ટ્ર અને કચ્છના અનેક વિસ્તારોમાં હળવાથી મધ્યમ વરસાદ નોંધાઈ શકે છે. સુરત, નવસારી, વલસાડ, ડાંગ, તાપી, ભરૂચ, નર્મદા, વડોદરા, અમદાવાદ, ગાંધીનગર, મહેસાણા, બનાસકાંઠા, પાટણ, સાબરકાંઠા, ખેડા, આણંદ, પંચમહાલ, દાહોદ, રાજકોટ, જામનગર, મોરબી, અમરેલી, ભાવનગર, જૂનાગઢ, ગીર સોમનાથ, પોરબંદર, દેવભૂમિ દ્વારકા અને કચ્છ સહિતના જિલ્લાઓમાં વરસાદી માહોલ રહેવાની આગાહી કરવામાં આવી છે.
હવામાન વિભાગના અનુમાન મુજબ ૮થી ૧૧ ઓગસ્ટ દરમિયાન પણ રાજ્યના મોટા ભાગના વિસ્તારોમાં વાદળછાયું વાતાવરણ અને છૂટાછવાયા વરસાદી ઝાપટાં જાવા મળી શકે છે. દક્ષિણ ગુજરાત અને મધ્ય ગુજરાત ઉપરાંત ઉત્તર ગુજરાત, સૌરાષ્ટ્ર અને કચ્છના વિસ્તારોમાં પણ હળવાથી મધ્યમ વરસાદની સંભાવના યથાવત રહેશે.
મધ્યમ ગાળાના હવામાન અનુમાન મુજબ ૧૨થી ૧૫ ઓગસ્ટ વચ્ચે રાજ્યના કેટલાક વિસ્તારોમાં વરસાદ વધુ સક્રિય બની શકે છે. ખાસ કરીને મધ્ય અને દક્ષિણ ગુજરાત તેમજ સૌરાષ્ટ્રના કેટલાક જિલ્લાઓમાં ભારે વરસાદની સ્થિતિ પણ સર્જાઈ શકે છે. જાકે તમામ વિસ્તારોમાં સમાન પ્રમાણમાં વરસાદ પડશે તેવું જરૂરી નથી.
હાલમાં ચોમાસાની મુખ્ય પટ્ટી સામાન્ય સ્થિતિથી ઉત્તર તરફ સરકી છે. તેની સાથે પશ્ચિમી વિક્ષેપ (વેસ્ટર્ન ડિસ્ટર્બન્સ) અને દેશના વિવિધ વિસ્તારોમાં સક્રિય બનેલા અપર એર સાઇક્લોનિક સર્ક્યુલેશનના કારણે ભેજનું પ્રમાણ વધ્યું છે. આ હવામાન પ્રણાલીઓના સંયુક્ત પ્રભાવથી ગુજરાતમાં આગામી દિવસોમાં વરસાદી પ્રવૃત્તિ ચાલુ રહેવાની શક્યતા છે.
અમદાવાદમાં વાદળછાયું વાતાવરણ સાથે હળવાથી મધ્યમ વરસાદની શક્યતા છે. દિવસ દરમિયાન મહત્તમ તાપમાન આશરે ૩૧ ડિગ્રી અને લઘુત્તમ તાપમાન ૨૬ ડિગ્રી આસપાસ રહેવાનો અંદાજ છે.