ભારતીય જનતા પાર્ટીના ભૂતપૂર્વ સાંસદ અને રેસલિંગ ફેડરેશન ઓફ ઈન્ડિયા ભૂતપૂર્વ પ્રમુખ બ્રિજ ભૂષણ શરણ સિંહે જણાવ્યું હતું કે એશિયન ગેમ્સ ૨૦૨૬માં ભારતીય કુસ્તીબાજાનું પ્રદર્શન તેમની અપેક્ષાઓ પર ખરું ઉતર્યું નથી. બ્રિજ ભૂષણે કહ્યું કે તેમને ઓછામાં ઓછા આઠ મેડલની આશા હતી, પરંતુ મહિલા કુસ્તીબાજાનું પ્રદર્શન પૂરતું સારું નહોતું.બ્રિજભૂષણ શરણ સિંહે કહ્યું, “જુઓ, કુસ્તીમાં અમે જે અપેક્ષા રાખી હતી તે થયું નહીં. છોકરીઓનું પ્રદર્શન એટલું સારું નહોતું. મને વિશ્વાસ હતો કે કુલ આઠ મેડલ જીતવામાં આવશે, જેમાં ત્રણ ગોલ્ડ, સિલ્વર અને બ્રોન્ઝનો સમાવેશ થાય છે, પરંતુ અમને છ મળ્યા. આમ છતાં, ૧૯૬૬ પછી આ પહેલું આટલું પ્રભાવશાળી પરિણામ છે.” એમ કહી શકાય કે અમારી મેડલ ટેલી ૨૦૨૩ એશિયન ગેમ્સ જેટલી જ હતી, પરંતુ આ વખતે ગોલ્ડ મેડલની સંખ્યા વધુ હતી.
તેમણે વધુમાં કહ્યું, “હાલમાં કુસ્તી પર કામ કરવાની જરૂર છે, કારણ કે છેલ્લા બે થી ત્રણ વર્ષ તોફાની રહ્યા છે, જેના કારણે ઘણા સારા ખેલાડીઓ તેમના પ્રદર્શનનું પુનરાવર્તન કરી શક્યા નથી. હાલમાં, સરકાર, રમત સંગઠનો અને ખેલાડીઓ વચ્ચે સંકલન છે. આ છ મેડલ જે અમે એશિયન ગેમ્સમાં જીત્યા હતા, અમે ખાતરી કરવાનો પ્રયાસ કરીશું કે તે જ છ મેડલ ઓલિÂમ્પકમાં પણ જીતે.”પોતાના રાજકીય ભવિષ્ય વિશેના પ્રશ્નના જવાબમાં, બ્રિજ ભૂષણ શરણ સિંહે સ્પષ્ટતા કરી કે તેઓ ૨૦૨૭ વિધાનસભા ચૂંટણી લડશે નહીં. આગામી સંસદીય ચૂંટણીઓ અંગે, તેમણે કહ્યું કે સમય આવશે ત્યારે નિર્ણય લેવામાં આવશે. તેમણે સ્પષ્ટપણે કહ્યું કે સંસદીય ચૂંટણી લડવા અંગે આ સમયે કોઈ નિવેદન આપી શકાય નહીં.
ભારતીય પુરુષ અને મહિલા કુસ્તીબાજાએ એશિયન ગેમ્સ ૨૦૨૬માં કુલ છ મેડલ જીત્યા હતા. અમન સેહરાવતે ૫૭ કિલો ફ્રી સ્ટાઇલ કેટેગરીમાં ગોલ્ડ મેડલ જીત્યો હતો. સુજીત કલ્કલે પુરુષોની ૬૫ કિગ્રા ફ્રીસ્ટાઇલ કુસ્તીમાં ગોલ્ડ મેડલ જીત્યો. નિતેશ સિવાચે ૯૭ કિગ્રા ગ્રીકો-રોમન શ્રેણીમાં સિલ્વર મેડલ જીત્યો. મહિલા કુસ્તીબાજ અનંતી પંઘાલે ૫૩ કિગ્રા ફ્રીસ્ટાઇલ કુસ્તી શ્રેણીમાં સિલ્વર મેડલ જીત્યો, જ્યારે દીપક પુનિયાએ બ્રોન્ઝ મેડલ જીત્યો. પુરુષ કુસ્તીબાજ સુનીલ કુમારે પણ ૮૭ કિગ્રા ગ્રીકો-રોમન કુસ્તી શ્રેણીમાં બ્રોન્ઝ મેડલ જીત્યો.