યમનના હુથી બળવાખોરોએ સાઉદી અરેબિયામાં અનેક મુખ્ય લક્ષ્યો પર મિસાઇલ અને ડ્રોન હુમલાનો દાવો કર્યો છે. રાજધાની રિયાધમાં કિંગ ખાલિદ ઇન્ટરનેશનલ એરપોર્ટ અને રબીઘમાં અરામકો રિફાઇનરી પણ નિશાન બનાવવામાં આવી હતી. હુમલાઓ બાદ, સાઉદી અરેબિયાના વિદેશ મંત્રાલયે હુથી હુમલાઓની કડક નિંદા કરી હતી. હુથીઓનું કહેવું છે કે આ હુમલાઓ યમનમાં સાઉદી અરેબિયાની લશ્કરી કાર્યવાહીના જવાબમાં હતા.
હુથી લશ્કરી પ્રવક્તા બ્રિગેડિયર જનરલ યાહ્યા સારીએ સોમવારે ટેલિગ્રામ પર જાહેર કરેલા એક નિવેદનમાં જણાવ્યું હતું કે જૂથે મોટી સંખ્યામાં બેલિÂસ્ટક અને ક્રુઝ મિસાઇલો અને ડ્રોનનો ઉપયોગ કરીને ત્રણ “ગુણાત્મક લશ્કરી કાર્યવાહી” હાથ ધરી હતી. સારીના જણાવ્યા અનુસાર, પ્રથમ કાર્યવાહીમાં રિયાધના કિંગ ખાલિદ ઇન્ટરનેશનલ એરપોર્ટને નિશાન બનાવવામાં આવ્યું હતું. તેમણે દાવો કર્યો હતો કે હુમલો “ચોક્કસ અને સીધો” હતો, જેનાથી હવાઈ ટ્રાફિકમાં ખલેલ પહોંચી હતી.
સારીએ કહ્યું હતું કે બીજા કાર્યવાહીમાં રબીઘમાં અરામકો રિફાઇનરીને નિશાન બનાવવામાં આવ્યું હતું. હુથીના પ્રવક્તાએ દાવો કર્યો હતો કે આ હુમલો પણ “ચોક્કસ અને સીધો” કરવામાં આવ્યો હતો અને ત્યારબાદ લક્ષિત કમ્પાઉન્ડમાં આગ લાગી ગઈ. હુથી પ્રવક્તાના જણાવ્યા અનુસાર, ત્રીજા ઓપરેશનમાં પશ્ચિમ એશિયામાં સાઉદી પ્રદેશના આસિરમાં અભા એરપોર્ટ, ખામિસ મુશૈત એર બેઝ અને અકીફા કેમ્પને નિશાન બનાવવામાં આવ્યા હતા. આ ઉપરાંત, નજરાન અને જીઝાનમાં “અન્ય મહત્વપૂર્ણ લક્ષ્યો” પર પણ હુમલા કરવામાં આવ્યા હતા. સરીએ કહ્યું કે આ હુમલાઓ સાઉદી અરેબિયાના યમન પરના હુમલાના જવાબમાં કરવામાં આવ્યા હતા.
સારીએ કહ્યું કે સાઉદી અરેબિયાએ છેલ્લા ૨૪ કલાકમાં યમન પર ૬૦ હવાઈ અને મિસાઈલ હુમલા કર્યા. તેમના મતે, આ હુમલાઓમાં રાજધાની સના, તેમજ અલ-જૌફ, તાઈઝ, હજ્જા, સાદા અને મારિબ પ્રાંતોને નિશાન બનાવવામાં આવ્યા હતા અને મહિલાઓ અને બાળકો સહિત નાગરિકો પણ માર્યા ગયા હતા. હુથી પ્રવક્તાએ દાવો કર્યો હતો કે પશ્ચિમ એશિયામાં તણાવ વધ્યા પછી યમન પર સાઉદી હવાઈ અને મિસાઈલ હુમલાઓની કુલ સંખ્યા ૧,૫૭૬ પર પહોંચી ગઈ છે.
હૌથી પ્રવક્તાએ સાઉદી હવાઈ ક્ષેત્રમાં ઉડતી આંતરરાષ્ટ્રીય એરલાઇન્સને પણ ચેતવણી આપી હતી. તેમણે જણાવ્યું હતું કે મક્કા અને મદીનાના પવિત્ર હવાઈ ક્ષેત્ર સિવાય, સાઉદી હવાઈ ક્ષેત્રમાં ફ્લાઇટ્સ ચલાવતી વખતે એરલાઇન્સે સાવધાની રાખવી જાઈએ.આ હુમલાઓ બાદ, સાઉદી વિદેશ મંત્રાલયે હુથીઓના સતત પગલાંની સખત નિંદા કરી હતી. મંત્રાલયે નાગરિકો, નાગરિક સ્થાપનો અને આર્થિક લક્ષ્યોને નિશાન બનાવવાની ઘટનાને ગંભીર ગણાવી હતી. સાઉદી વિદેશ મંત્રાલયે જણાવ્યું હતું કે હુથી લશ્કરે વારંવાર મક્કા અને મદીનાના પવિત્ર સ્થળો તેમજ રાજધાની રિયાધ અને અભા, ખામિસ મુશૈત, જીઝાન, નજરાન, તૈફ અને યાન્બુ જેવા શહેરોને નિશાન બનાવ્યા છે. મંત્રાલયના જણાવ્યા અનુસાર, હુથીઓએ દક્ષિણ લાલ સમુદ્ર અને બાબ અલ-મંડબ સ્ટ્રેટમાં સાઉદી જહાજાને પણ નિશાન બનાવ્યા છે.
સાઉદી અરેબિયાએ જણાવ્યું હતું કે ૨૦૧૪ માં યમન પર હુથીઓના કબજા પછી સાઉદી અરેબિયા સતત રાજકીય ઉકેલ તરફ આગળ વધી રહ્યું છે. જા કે, સાઉદી અરેબિયાનો આરોપ છે કે હુથીઓએ શાંતિપૂર્ણ માર્ગ અપનાવવાને બદલે લશ્કરી તણાવ વધારવાનું પસંદ કર્યું. સાઉદી મંત્રાલયે જણાવ્યું હતું કે હુથી લશ્કરના સતત લશ્કરી કાર્યવાહી યમન અને તેના લોકો માટે માનવતાવાદી અને આર્થિક સંકટને વધારી રહ્યા છે.