સંરક્ષણ મંત્રી રાજનાથ સિંહે ગુરુવારે ભારત અને બેલ્જિયમ વચ્ચે સંરક્ષણ સહયોગ વધારવા પર ભાર મૂક્યો. તેમણે કહ્યું કે વિશ્વભરમાં મોટી ભૂ-રાજકીય અને આર્થિક ઉથલપાથલના સમયમાં, બંને દેશોમાં તેમની ભાગીદારીને વધુ વિસ્તૃત કરવાની ક્ષમતા છે.રાજધાનીમાં ભારત-બેલ્જિયમસંરક્ષણ પ્રધાનોની બેઠક દરમિયાન સંરક્ષણ પ્રધાન રાજનાથ સિંહે આ ટિપ્પણીઓ કરી હતી. સંરક્ષણ પ્રધાન થિયો ફ્રેન્કેને બેલ્જિયમપ્રતિનિધિમંડળનું નેતૃત્વ કર્યું હતું.
સિંહે કહ્યું, “વિશ્વ હાલમાં ભારે ભૂ-રાજકીય અને આર્થિક ઉથલપાથલમાંથી પસાર થઈ રહ્યું છે. આમાંની મોટાભાગની આપણી ભૂલ નથી, પરંતુ આપણે આ પડકારોનો સામનો કરવો પડશે. આવી પરીસ્થ્તિઓમાં, તમારા જેવા મિત્ર અને ભાગીદાર સાથે મુલાકાત વિચારો અને દ્રષ્ટિકોણનું આદાન-પ્રદાન કરવાની સારી તક પૂરી પાડે છે.”સંરક્ષણ પ્રધાને ભાર મૂક્યો કે તાજેતરના ભારત-બેલ્જિયમ વ્યૂહાત્મક સંવાદે સંરક્ષણ અને સુરક્ષા સહિત ઘણા ક્ષેત્રોમાં દ્વિપક્ષીય ભાગીદારીને આગળ વધારવા માટે એક માળખું બનાવ્યું છે. સિંહે કહ્યું કે બંને દેશો વચ્ચે સંરક્ષણ સહયોગને વધુ વિસ્તૃત કરવાની નોંધપાત્ર સંભાવના છે, ખાસ કરીને તેમના સંરક્ષણ ઉદ્યોગો વચ્ચે પરસ્પર જાડાણને મજબૂત કરીને. તેમણે કહ્યું, “અમે બેલ્જિયમ અને ભારતીય સંરક્ષણ કંપનીઓ વચ્ચે વધુ સહકારનું સ્વાગત કરીએ છીએ.”
બેલ્જિયમના સંરક્ષણ પ્રધાન થિયો ફ્રેન્કેને ટેકનોલોજીકલ ક્ષમતાઓની પ્રશંસા કરી. ભારત સાથે ભાગીદારીને વધુ મજબૂત બનાવવા માટે હાકલ કરી. સંરક્ષણ પ્રધાન રાજનાથ સિંહ સાથેની વાતચીતમાં, ફ્રેન્કને કહ્યું કે બેલ્જિયમને ભવિષ્યના પ્રોજેક્ટ્સમાં સહયોગ કરવા માટે ભારત જેવા દેશોની જરૂર છે.
તેમણે કહ્યું, “આપણે તમારી પાસેથી ઘણું શીખી શકીએ છીએ. તમે એક હાઇ-ટેક દેશ છો. તમે સૌથી વધુ વસ્તી ધરાવતા દેશોમાંના એક છો. આપણે ખરેખર સાથે મળીને કામ કરવાની જરૂર છે કારણ કે બેલ્જિયમ એક જૂનો પશ્ચિમ યુરોપિયન દેશ છે જેમાં ઘણી બધી ટેકનોલોજી છે. પરંતુ આપણને ભારત જેવા દેશોની જરૂર છે. આપણે ભવિષ્યના પ્રોજેક્ટ્સમાં સહયોગ કરવાની જરૂર છે. આ બેÂલ્જયમ માટે આગળનો માર્ગ છે.”
તેમણે યાદ કર્યું કે કેવી રીતે દેશે માર્ચ ૨૦૨૫ માં પ્રિન્સેસ એÂસ્ટ્રડ સાથે અત્યાર સુધીનું સૌથી મોટું આર્થિક મિશન ભારતમાં મોકલ્યું હતું. તેમણે તેને “પરસ્પર, નવી મિત્રતા અને સંબંધ” તરફનું પ્રથમ પગલું ગણાવ્યું. તેમણે ત્યારથી સંબંધોમાં વૃદ્ધિની નોંધ લીધી, નોંધ્યું કે ૧૮ મહિનામાં સહયોગી પ્રોજેક્ટ્સ માટેના કરારો પર હસ્તાક્ષર કરવામાં આવ્યા છે.આ સંવાદ એવા સમયે થઈ રહ્યો છે જ્યારે વૈશ્વિક ભૂરાજકીય અને આર્થિક પરિદૃશ્ય ઝડપથી બદલાઈ રહ્યું છે. આ પશ્ચિમ એશિયામાં ચાલી રહેલા સંઘર્ષ અને રશિયા-યુક્રેન યુદ્ધ જેવા પરિબળોને કારણે છે. સિંહે કહ્યું કે બેલ્જિયમના તેમના સમકક્ષ સાથેની મુલાકાતે ઉભરતા પડકારો પર વિચારો અને દ્રષ્ટિકોણનું આદાનપ્રદાન કરવાની તક પૂરી પાડી. બેÂલ્જયમના સંરક્ષણ પ્રધાન વડા પ્રધાન બાર્ટ ડી વેવર સાથે ભારત આવી રહ્યા છે. વડા પ્રધાન ૨ થી ૪ સપ્ટેમ્બર સુધી ભારતની સત્તાવાર મુલાકાતે છે.