ફતેપુરા, ફતેપુરા તાલુકાના ભીચોર ગામે ભાણા સીમળની પાઈપલાઈન તુટી જતા હજારો લીટર પાણી ખેતરોમાં વહી જવા પામ્યુ હતુ. તાત્કાલિક અસરથી પાણીની પાઈપલાઈનમમાં રિપેર કરી પાણી બંધ કરાય તે અત્યંત જરૂરી છે.
ફતેપુરા તાલુકાના ભીચોર ગામે હનુમાનજી મંદિર ફળિયામાંથી પસાર થતી ભાણાસીમલની પાઈપલાઈનમાં ભંગાણ સર્જાયુ છે. પાઈપલાઈનમાં ભંગાણ સર્જાતા પીવાનુ પાણી ખેતરોમાં વહી રહ્યુ હતુ. જેને લઈને ખેતરો પાણીથી તરબોળ થયા હતા. પાણીની પાઈપલાઈન તુટતા ગામના જાગૃત નાગરિકો સુભાષ પારગી, ચેતન પારગી, રાજુ બારીયા, કોૈશિકભાઈ દ્વારા પાણીની પાઈપલાઈન રિપેર કરાવવા માટે અધિકારીઓને જાણ કરવામાં આવી છે. પરંતુ પાણીની પાઈપલાઈન રિપેર ન કરાતા પાણીની વેડફાટ થઈ રહ્યો છે. પાણી પુરવઠા વિભાગના અધિકારીઓ દ્વારા તાત્કાલિક અસરથી આ લાઈનનુ રિપેરીંગ કામ કરવામાં આવે તેવી માંગ ઉઠવા પામી છે.