બોડેલી તાલુકા પ્રાથમિક શિક્ષક સંઘ દ્વારા મામલતદારને આવેદનપત્ર સુપરત કરવામાં આવ્યું છે. શિક્ષકોને વર્ષ ૨૦૨૬ની ચૂંટણી કામગીરીનું બાકી ભથ્થું ચૂકવવા માટે આ રજૂઆત કરવામાં આવી હતી.
સંઘના હોદ્દેદારોએ મામલતદારને જણાવ્યું હતું કે, ૨૬ એપ્રિલ, ૨૦૨૬ના રોજ યોજાયેલી જીલ્લા/તાલુકા પંચાયત સામાન્ય ચૂંટણીમાં બોડેલી તાલુકાના પ્રાથમિક શિક્ષકોને વિવિધ કામગીરી સોંપવામાં આવી હતી. આ કામગીરી કરનાર તમામ પ્રાથમિક શિક્ષકોને મળવાપાત્ર ભથ્થું હજુ સુધી ચૂકવવામાં આવ્યું નથી. શિક્ષક સંઘે આ ભથ્થું સત્વરે ચૂકવવામાં આવે તેવી નમ્ર વિનંતી કરી છે.