બિહાર વિધાનસભા ચૂંટણી દરમિયાન સરકાર બનાવવાનો દાવો કરનાર રાષ્ટ્રીય જનતા દળને મોટો ઝટકો લાગ્યો અને તે ફક્ત ૨૫ બેઠકો પર સમેટાઈ ગયું. હવે, કેન્દ્રીય મંત્રી અને હિન્દુસ્તાની અવમ મોરચાના વડા જીતન રામ માંઝીએ આરજેડીની દુર્દશા પર કટાક્ષ કર્યો છે.
જીતન રામ માંઝીએ સોશિયલ મીડિયા એકસ પર લખ્યું, પૃથ્વી પર ડાયનાસોરનું જે કંઈ થયું, ભવિષ્યમાં બિહારમાં રાજદનું પણ એવું જ ભાગ્ય થશે. હવે બધા કહી રહ્યા છે કે, ’ડાયનાસોર પૃથ્વી પર પાછા આવી શકે છે, પરંતુ રાજદના લોકો બિહાર પાછા ફરી શક્તા નથી.’
૨૦૦૦ ની બિહાર વિધાનસભા ચૂંટણીમાં ૭૫ બેઠકો જીતીને સૌથી મોટી પાર્ટી તરીકે ઉભરી આવેલી રાજદ ૨૦૨૫ ની બિહાર વિધાનસભા ચૂંટણીમાં માત્ર ૨૫ બેઠકો પર જ ઘટી ગઈ. જોકે, પાર્ટીએ એકંદર મત હિસ્સાના સંદર્ભમાં એક મહત્વપૂર્ણ સીમાચિહ્ન હાંસલ કર્યું.
રાજદ માટે સૌથી મોટો વિરોધાભાસ એ હતો કે તેને સમગ્ર રાજ્યમાં સૌથી વધુ મત હિસ્સા (લગભગ ૨૩%) મળ્યા, છતાં તે માત્ર ૨૫ બેઠકો જ જીતવામાં સફળ રહી. રાજ્યભરમાં રાજદના મતો છુપાયેલા હતા, જેના કારણે પાર્ટી ઘણી બેઠકો પર બીજા સ્થાને રહી પરંતુ જીતવામાં નિષ્ફળ રહી. એનડીએ પક્ષો (ભાજપ અને જદયુ) એ ઓછી બેઠકો પર ચૂંટણી લડીને તેમના મતોને વધુ કાર્યક્ષમ રીતે રૂપાંતરિત કર્યા.
રાજદે ૧૪૩ બેઠકો પર ચૂંટણી લડી, જેનાથી તેનો કુલ મત હિસ્સો વયો, પરંતુ તેણે જીતેલી ૨૫ બેઠકોમાંથી લગભગ ૧૬ બેઠકો પર જીતનો માજન ૧૦,૦૦૦ કરતા ઓછો હતો. આ પાર્ટીની નબળી સ્થિતિ દર્શાવે છે. જીતન રામ માંઝીની પાર્ટી, હિન્દુસ્તાની અવમ મોરચા (સેક્યુલર) એ તાજેતરની બિહાર વિધાનસભા ચૂંટણીમાં અસાધારણ રીતે સારું પ્રદર્શન કર્યું.એનડીએ ભાગીદાર તરીકે, જીતન રામ માંઝીની પાર્ટીએ કુલ છ બેઠકો મેળવી, જેમાંથી તેમના ઉમેદવારોએ પાંચ બેઠકો જીતી. સંતોષ સુમનને માંઝીની પાર્ટીના ક્વોટામાંથી મંત્રી તરીકે નિયુક્ત કરવામાં આવ્યા છે.