પોર્ટુગીઝ ફૂટબોલ દિગ્ગજ ક્રિસ્ટીયાનો રોનાલ્ડોને ટીમ કેમ્પ છોડવા બદલ ભારે દંડ ફટકારવામાં આવ્યો છે. પોર્ટુગીઝ ફૂટબોલ ફેડરેશને અનુશાસનહીનતા માટે ૩૦ દિવસનો પ્રતિબંધ અને ૨૫૫ યુરોનો દંડ ફટકાર્યો છે. ફેડરેશને સોમવારે સજાને વાજબી અને પૂરતી ગણાવી હતી. જોકે, રોનાલ્ડો પાસે પ્રતિબંધ સામે અપીલ કરવાનો વિકલ્પ છે.
પોર્ટુગીઝ ફૂટબોલ ફેડરેશને અગાઉ રોનાલ્ડોને કામચલાઉ સસ્પેન્ડ કર્યા હતા. ફેડરેશનના જણાવ્યા અનુસાર, શુક્રવારે રજૂ કરાયેલા ઔપચારિક નિવેદનમાં, રોનાલ્ડોએ તેમની સામેના આરોપો હેઠળના તમામ તથ્યો સ્વીકાર્યા છે. સજા ઘટાડવા માટે તેના દોષની કબૂલાત અને તેના અગાઉના સ્વચ્છ શિસ્તભંગના રેકોર્ડને કારણો ગણવામાં આવ્યા હતા. ફેડરેશને એ પણ સ્પષ્ટતા કરી હતી કે, આ સંજાગો છતાં, તેને નિયમો હેઠળ મહત્તમ શક્ય દંડ આપવામાં આવ્યો હતો. રોનાલ્ડોએ આ ઘટના માટે પહેલાથી જ માફી માંગી લીધી છે અને કહ્યું છે કે તેને તેના કાર્યો માટે સજા થવાની અપેક્ષા છે. જોઓકે, પ્રતિબંધના સમાચાર આવ્યા પછી તેણે તાત્કાલિક જાહેર ટિપ્પણી કરી ન હતી.
પોર્ટુગલની તાજેતરની નેશન્સ લીગ મેચો દરમિયાન આ સમગ્ર ઘટના પ્રકાશમાં આવી હતી. રોનાલ્ડોએ વેલ્સ સામેની શરૂઆતની મેચમાં ભાગ લીધો હતો, પરંતુ ૨૭ સપ્ટેમ્બરના રોજ નોર્વે સામેની જીત દરમિયાન તે બેન્ચ પર રહ્યો હતો. રોનાલ્ડોએ કોચ જાર્જ જીસસ પર તેના રમવાના સમય અંગેના કરારનું સન્માન ન કરવાનો આરોપ લગાવ્યો હતો. આનાથી ગુસ્સે થઈને, સ્ટાર ફૂટબોલરે ટીમ કેમ્પ છોડી દીધો. તેના નિર્ણયને અનુશાસનહીનતા તરીકે જાવામાં આવ્યો, અને ત્યારબાદ ફેડરેશને તેની સામે કાર્યવાહી કરી. પોર્ટુગલે રોનાલ્ડોની ગેરહાજરીમાં પણ જોરદાર પ્રદર્શન કર્યું. ટીમે ડેનમાર્ક અને નોર્વેને હરાવીને નેશન્સ લીગ ક્વાર્ટર-ફાઇનલમાં સ્થાન મેળવ્યું.
રોનાલ્ડોનું સસ્પેન્શન ૧ ઓક્ટોબરથી અસરકારક માનવામાં આવે છે, જે દિવસે પોર્ટુગલ ડેનમાર્ક સામે રમ્યું હતું. પરિણામે, તે પહેલાથી જ ૧૯ દિવસના પ્રતિબંધનો ભોગવી ચૂક્યો છે. વર્તમાન સમયપત્રક મુજબ, રોનાલ્ડો ૧૪ નવેમ્બરના રોજ ડેનમાર્ક સામે પોર્ટુગલની આગામી નેશન્સ લીગ મેચ માટે ઉપલબ્ધ થઈ શકે છે. જો કે, પ્રતિબંધનો બાકીનો સમયગાળો અને કોઈપણ સંભવિત અપીલની અસર પણ આ બાબતમાં મહત્વપૂર્ણ રહેશે.